Kerala

മുഖ്യമന്ത്രിയെ തള്ളി ഗവര്‍ണര്‍; പൗരത്വനിയമത്തില്‍നിന്ന് കേരളത്തിന് മാറിനില്‍ക്കാനാവില്ല

ഭരണഘടനയനുസരിച്ച് കേന്ദ്രം പാസാക്കുന്ന നിയമം പാലിക്കാന്‍ എല്ലാവരും ബാധ്യസ്ഥരാണ്. നിയമത്തില്‍നിന്ന് കേരളത്തിന് മാറി നില്‍ക്കാനാവില്ല.

മുഖ്യമന്ത്രിയെ തള്ളി ഗവര്‍ണര്‍; പൗരത്വനിയമത്തില്‍നിന്ന് കേരളത്തിന് മാറിനില്‍ക്കാനാവില്ല
X

കൊച്ചി: പൗരത്വ ഭേദഗതി നിയമം കേരളത്തില്‍ നടപ്പാക്കില്ലെന്ന മുഖ്യമന്ത്രിയുടെ നിലപാടിനെ തള്ളി കേരള ഗവര്‍ണര്‍ ആരിഫ് മുഹമ്മദ് ഖാന്‍. ആലുവയില്‍ മാധ്യമങ്ങളോട് സംസാരിക്കുകയായിരുന്നു അദ്ദേഹം. ഭരണഘടനയനുസരിച്ച് കേന്ദ്രം പാസാക്കുന്ന നിയമം പാലിക്കാന്‍ എല്ലാവരും ബാധ്യസ്ഥരാണ്. നിയമത്തില്‍നിന്ന് കേരളത്തിന് മാറി നില്‍ക്കാനാവില്ല. കേരളം അത് നടപ്പാക്കില്ലെന്ന മുഖ്യമന്ത്രിയുടെ പ്രസ്താവനയെക്കുറിച്ച് രാഷ്ട്രീയക്കാരാണ് അഭിപ്രായം പറയേണ്ടതെന്നും ഗവര്‍ണര്‍ വ്യക്തമാക്കി.

പൗരത്വനിയമഭേദഗതിക്കെതിരേ സംസ്ഥാനത്ത് ഭരണപക്ഷവും പ്രതിപക്ഷവും നാളെ സംയുക്തപ്രക്ഷോഭം നടത്താനിരിക്കെയാണ് നിയമത്തെ പിന്തുണച്ചും നിയമം നടപ്പാക്കില്ലെന്ന മുഖ്യമന്ത്രിയുടെ പ്രസ്താവന തള്ളിയും ഗവര്‍ണര്‍ രംഗത്തെത്തിയത്. നിയമഭേദഗതി ഏതെങ്കിലും ഒരു സമുദായത്തെ മാത്രം ലക്ഷ്യംവച്ചുള്ളതല്ല. പൗരത്വ നിയമഭേദഗതി സംബന്ധിച്ച് ആശങ്ക വേണ്ട. രാഷ്ട്രീയതീരുമാനങ്ങളിലൂടെ ജനങ്ങള്‍ക്കുണ്ടാവുന്ന പ്രശ്‌നങ്ങള്‍ പരിഹരിക്കാന്‍ കോടതികളുണ്ട്. നിയമഭേദഗതിക്കെതിരേ നടക്കുന്ന പ്രതിഷേധങ്ങള്‍ രാഷ്ട്രീയപ്രേരിതമാണെന്നും ഗവര്‍ണര്‍ കൂട്ടിച്ചേര്‍ത്തു.

Next Story

RELATED STORIES

Share it