ധര്മ്മടത്ത് ഗ്ലോബല് ഡയറി വില്ലേജ് വരുന്നു
വേങ്ങാട് ഗ്രാമപ്പഞ്ചായത്തിലാണ് പദ്ധതി വരുന്നത്
തിരുവനന്തപുരം: മുഖ്യമന്ത്രിയുടെ മണ്ഡലമായ ധര്മ്മടത്ത് ഗ്ലോബല് ഡയറി വില്ലേജ് വരുന്നു. ഇതുമായി ബന്ധപ്പെട്ട പ്രാഥമിക ചര്ച്ചകള് മുഖ്യമന്ത്രി പിണറായി വിജയന്റെ സാന്നിധ്യത്തില് തിരുവനന്തപുരത്ത് നടത്തി. വേങ്ങാട് ഗ്രാമപ്പഞ്ചായത്തിലാണ് പദ്ധതി വരുന്നത്. ചര്ച്ചയില് മൃഗസംരക്ഷണ മന്ത്രി കെ രാജു, ക്ഷീരവികസന വകുപ്പ് ഡയറക്ടര് എസ് ശ്രീകുമാര് പങ്കെടുത്തു. 8 ഗ്രാമപഞ്ചായത്തുകള് ഉള്പ്പെടുന്ന മണ്ഡലത്തില് 12 ക്ഷീരസഹകരണ സംഘങ്ങളാണുള്ളത്. 1700 ക്ഷീരകര്ഷകരില് നിന്ന് പ്രതിദിനം 13,500 ലിറ്റര് പാല് ഇപ്പോള് സംഭരിക്കുന്നുണ്ട്.ഗിര്, താര്പാര്ക്കര്, സഹിവാള് തുടങ്ങിയ ഇന്ത്യന് ജനുസ്സുകളെ വാണിജ്യാടിസ്ഥാനത്തില് വളര്ത്താനുള്ള ആധുനിക കേന്ദ്ര ഡയറി ഫാം, 10 സാറ്റലൈറ്റ് ഡയറി ഫാമുകള്, പ്രതിദിനം 10,000 ലിറ്റര് ഗുണമേന്മയുള്ള നാടന് പാല് ഉല്പ്പാദനം, ജൈവപാല്, ജൈവ പച്ചക്കറി ഉല്പ്പാദനം, ചാണകം, ഗോമൂത്രം എന്നിവയില്നിന്നു മൂല്യവര്ധിത ഉല്പ്പന്നങ്ങള്, ഫാം ടൂറിസം സെന്റര്, ഐസ്ക്രീം, വെണ്ണ, നെയ്യ്, പ്രോബയോട്ടിക് യോഗര്ട്ട്, ചീസ്, ഫങ്ഷനല് മില്ക്ക് തുടങ്ങിയവയുടെ വിതരണവും ലക്ഷ്യമാണ്.
സംസ്ഥാനത്തെ ആദ്യത്തെ സംയോജിത ക്ഷീരവികസന പദ്ധതിയാണിത്. അന്തര്ദേശീയ തലത്തിലുള്ള ഉല്പ്പന്ന നിര്മാണവും ഗുണനിലവാരവും ഇവിടെ ഉറപ്പാക്കും. മുഴുവന് കാര്യങ്ങളും ആധുനിക സാങ്കേതികവിദ്യയില് അധിഷ്ഠിതമായിരിക്കും. പദ്ധതി വരുന്നതോടെ 1000 പേര്ക്ക് തൊഴില് ലഭിക്കുമെന്നാണ് പ്രതീക്ഷ. പ്രതിവര്ഷം 35 ലക്ഷം ലിറ്റര് നാടന് പാല് ഉല്പാദിപ്പിച്ച് മൂല്യവര്ധിത ഉല്പ്പന്നങ്ങളാക്കി വിപണിയിലെത്തിക്കാനും പറ്റും.
RELATED STORIES
അമേരിക്കയിൽ ഇലക്ട്രിക് കാർ മരത്തിലിടിച്ച് കത്തി മലയാളി കുടുംബത്തിലെ...
26 April 2024 7:59 PM GMTബ്ലാസ്റ്റേഴ്സില് ഇവാന് വുകോമനോവിച്ച് യുഗം അവസാനിച്ചു
26 April 2024 2:53 PM GMTപലയിടത്തും രാത്രിയിലും നീണ്ടനിര; പോളിങ് ശതമാനം 70.03 പിന്നിട്ടു
26 April 2024 2:48 PM GMTകല്പറ്റയില് പിക്കപ്പിലേക്ക് ലോറി ഇടിച്ചുകയറി യുവാവ് മരിച്ചു
26 April 2024 2:25 PM GMTനീറ്റ് പരീക്ഷ മാര്ഗ നിര്ദേശക ക്ലാസ് 29ന്
26 April 2024 12:45 PM GMTസംസ്ഥാനത്ത് പലയിടത്തും വോട്ടിങ് മന്ദഗതിയിലെന്ന് ആക്ഷേപം; പോളിങ്...
26 April 2024 12:36 PM GMT