തിരുവനന്തപുരത്ത് നാല് നായകൾ ചത്ത നിലയിൽ; ഭക്ഷണത്തിൽ വിഷം കൊടുത്തെന്ന് സംശയം

തിരുവനന്തപുരം: നഗരത്തിൽ നാല് നായകളെ ചത്ത നിലയിൽ കണ്ടെത്തി. നാല് നായകളിൽ ഒന്ന് വളർത്തു നായയാണ്. വഞ്ചിയൂരിലാണ് മൂന്ന് തെരുവു നായകളേയും ഒരു വള‍ര്‍ത്തു നായയേയും ചത്ത നിലയിൽ കണ്ടെത്തിയത്.

ഭക്ഷണത്തിൽ വിഷം കല‍ര്‍ത്തി നൽകി നായകളെ കൊന്നുവെന്നാണ് സംശയിക്കുന്നത്. ഒരു കാറിൽ എത്തിയവർ റോഡിൽ കൊണ്ടു വച്ച ഭക്ഷണം കഴിച്ചതിന് ശേഷമാണ് പട്ടികൾ ചത്തതെന്നു സമീപവാസികൾ പറയുന്നു.