കടലാക്രമണത്തില് പൊങ്ങിവന്നത് രണ്ടുവര്ഷം മുമ്പ് കുഴിച്ചിട്ട ബുള്ളറ്റ് ബൈക്ക്; തൊണ്ടിമുതലെന്ന് പോലിസ്
ശക്തമായ തിരമാലയില് കുഴിയിലെ മണല് നീങ്ങിയപ്പോള് ബുള്ളറ്റ് ബൈക്ക് പുറത്തു വന്നതാണ്. പോലിസെത്തി പരിശോധിച്ചപ്പോഴാണ്, രണ്ടു വര്ഷം മുമ്പ് തട്ടിയെടുത്ത് കൊണ്ടുപോയ വണ്ടിയാണ് ഇതെന്ന് വ്യക്തമായത്.
തിരൂര്: ശക്തമായ കടലാക്രണത്തില് പൊന്തിവന്നത് രണ്ട് വര്ഷം മുമ്പ് കുഴിച്ചിട്ട ബുള്ളറ്റ്. ഏറെ നാളായി അന്വേഷിക്കുന്ന കേസിലെ തൊണ്ടിമുതലാണ് ബുള്ളറ്റെന്ന് പോലിസ് പറഞ്ഞു. രാഷ്ട്രീയ വിരോധത്തില് തട്ടിക്കൊണ്ടുപോയി കടപ്പുറത്ത് കുഴിച്ചിട്ട ഒരു ബുള്ളറ്റ് ബൈക്കാണ് കടലാക്രണത്തില് കുഴിയില് നിന്ന് പുറത്തുവന്നത്.
മലപ്പുറത്തെ തീരദേശ മേഖലയില് ഇന്നലെ കടലാക്രമണം രൂക്ഷമായിരുന്നു. രാവിലെ മുതല് തിരമാലകള് കരയിലേക്ക് വീശിയടിച്ചു കയറി. കുറച്ച് കഴിഞ്ഞപ്പോഴാണ് പറവണ്ണ കടപ്പുറത്ത് ബുള്ളറ്റ് ബൈക്കിന്റെ് ഒരു ഭാഗം കണ്ടത്. മത്സ്യതൊഴിലാളികള് എത്തി പരിശോധിച്ചപ്പോള് ഇത് കുഴിച്ചിട്ടതാണെന്ന് വ്യക്തമായി. ശക്തമായ തിരമാലയില് കുഴിയിലെ മണല് നീങ്ങിയപ്പോള് ബുള്ളറ്റ് ബൈക്ക് പുറത്തു വന്നതാണ്. വിവരമറിഞ്ഞ് പോലിസെത്തി പരിശോധിച്ചപ്പോഴാണ്, രണ്ടു വര്ഷം മുമ്പ് കൂട്ടായ സ്വദേശിയും സിപിഎം പ്രവര്ത്തകനുമായ കുഞ്ഞുട്ടിയില് നിന്ന് തട്ടിയെടുത്ത് കൊണ്ടുപോയ വണ്ടിയാണ് ഇതെന്ന് വ്യക്തമായത്.
പറവണ്ണയിലെ ഭാര്യ വീട്ടില് പോയി തിരിച്ചു വരുന്നതിനിടയിലായിരുന്നു ഒരു സംഘം ആളുകള് കുഞ്ഞുട്ടിയെ തടഞ്ഞു നിര്ത്തി ബുള്ളറ്റ് ബൈക്ക് ബലമായി കൊണ്ടുപോയത്. തീരദേശമേഖലിലെ രാഷ്ട്രീയ വിരോധമാണ് ബുള്ളറ്റ് ബൈക്ക് തട്ടിക്കൊണ്ടുപോകാനും കുഴിച്ചിടാനും കാരണമെന്നാണ് പോലിസ് സംശയിക്കുന്നത്. കേസില് ഇതുവരെ പ്രതികളെ കണ്ടെത്താന് പോലിസിനു കഴിഞ്ഞിരുന്നില്ല. പൂര്ണമായും നശിച്ചതിനാല് ഇനി ഉപയോഗിക്കാനാവില്ലെങ്കിലും തൊണ്ടിമുതല് കണ്ടെത്തിയ ആശ്വാസത്തിലാണ് പോലിസ്.
RELATED STORIES
രാജ്യത്തിന്റെ വീണ്ടെടുപ്പിന് സ്ത്രീകള് വോട്ട് ചെയ്യണം: സുനിത നിസാര്
25 April 2024 6:45 PM GMTകിറ്റിനു പിന്നാലെ വസ്ത്രശേഖരവും; ബിജെപി വിതരണത്തിനെത്തിച്ചതെന്ന്...
25 April 2024 5:48 PM GMTഅഞ്ചുവര്ഷത്തിനിടെ ബെംഗളൂരു സൗത്തിലെ ബിജെപി എംപിയുടെ സ്വത്ത്...
25 April 2024 5:41 PM GMTരാഹുല് ഗാന്ധിക്കെതിരായ അധിക്ഷേപ പരാമര്ശം; പി വി അന്വര്...
25 April 2024 5:17 PM GMTമുഴുസമയ വെബ് കാസ്റ്റിങ്, കള്ളവോട്ട് തടയാന് കണ്ണൂരില് കനത്ത സുരക്ഷ
25 April 2024 5:11 PM GMTഒമാനില് വാഹനാപകടം: രണ്ട് മലയാളികള് ഉള്പ്പെടെ മൂന്ന് നഴ്സുമാര്...
25 April 2024 4:42 PM GMT