ലക്ഷദ്വീപിലെ കൽപ്പയിൽ 50 മൽസ്യത്തൊഴിലാളികൾ കുടുങ്ങികിടക്കുന്നു

തിരുവനന്തപുരം: ലക്ഷദ്വീപിലെ കൽപ്പയിൽ 50 മൽസ്യത്തൊഴിലാളികൾ കാറ്റിലും കോളിലും അകപ്പെട്ട് കുടുങ്ങി കിടക്കുന്നു. ഇവരിൽ തിരുവനന്തപുരം പൊഴിയുരിൽ നിന്നുള്ള പത്തുപേരും ഉൾപ്പെടുന്നു. സെൽവരാജ്, അലക്സാണ്ടർ, സബരിയാർ, മാരിയപ്പൻ, ഗോവിന്ദൻ, കണ്ണദാസൻ, മേരി വിൻസന്റ്, മോസൈ, വാസു, കുമാരരാജു എന്നിവരാണ് പൊഴിയൂരിൽ നിന്നുള്ളത്.

കിടക്കാൻ പോലും സ്ഥലമില്ലാതെ ഇവർ ബുദ്ധിമുട്ടുകയാണ്. ആഹാരത്തിനും മരുന്നിനും ബുദ്ധിമുട്ട് നേരിടുന്നതായും അധികൃതർ ഇവിടേക്ക് തിരിഞ്ഞു നോക്കിയിട്ടില്ലെന്നും പരാതിയുണ്ട്. ഇവരെ നാട്ടിൽ എത്തിക്കാനുള്ള സൗകര്യം അധികൃതർ ഒരുക്കണമെന്ന് ബന്ധുക്കൾ ആവശ്യപ്പെടുന്നു.