പ്രവാസികളുടെ ആദ്യസംഘം ഇന്നെത്തും; വിമാനത്താവളത്തില് പ്രവേശനം ഡ്യൂട്ടിയിലുളള ഉദ്യോഗസ്ഥര്ക്ക് മാത്രം
ഡ്യൂട്ടിക്ക് നിയോഗിച്ചിട്ടുളള ഉദ്യോഗസ്ഥര്ക്ക് മാത്രമേ വിമാനത്താവളങ്ങളിലും പരിസരത്തും പ്രവേശനം അനുവദിക്കൂ. ഇതുമായി ബന്ധപ്പെട്ട് ആവശ്യമായ എല്ലാ സുരക്ഷാനടപടികളും കൊവിഡ് പ്രോട്ടോകോള് പാലിച്ച് പോലിസ് ഏര്പ്പെടുത്തിയിട്ടുണ്ട്.
![പ്രവാസികളുടെ ആദ്യസംഘം ഇന്നെത്തും; വിമാനത്താവളത്തില് പ്രവേശനം ഡ്യൂട്ടിയിലുളള ഉദ്യോഗസ്ഥര്ക്ക് മാത്രം പ്രവാസികളുടെ ആദ്യസംഘം ഇന്നെത്തും; വിമാനത്താവളത്തില് പ്രവേശനം ഡ്യൂട്ടിയിലുളള ഉദ്യോഗസ്ഥര്ക്ക് മാത്രം](https://www.thejasnews.com/h-upload/2020/05/07/107136-dgp-loknath.jpg)
തിരുവനന്തപുരം: ലോക്ക് ഡൗണ് മൂലം വിദേശങ്ങളില് കുടുങ്ങിപ്പോയവര് വിവിധ വിമാനത്താവളങ്ങളില് ഇന്നുമുതല് എത്തുമ്പോള് പൊതുജനങ്ങള് ഉള്പ്പെടെ മറ്റ് ആര്ക്കുംതന്നെ വിമാനത്താവളങ്ങളിലോ പരിസരത്തോ പ്രവേശനം അനുവദിക്കുന്നതല്ലെന്ന് സംസ്ഥാന പോലിസ് മേധാവി ലോക്നാഥ് ബെഹ്റ അറിയിച്ചു. ഡ്യൂട്ടിക്ക് നിയോഗിച്ചിട്ടുളള ഉദ്യോഗസ്ഥര്ക്ക് മാത്രമേ വിമാനത്താവളങ്ങളിലും പരിസരത്തും പ്രവേശനം അനുവദിക്കൂ. ഇതുമായി ബന്ധപ്പെട്ട് ആവശ്യമായ എല്ലാ സുരക്ഷാനടപടികളും കൊവിഡ് പ്രോട്ടോകോള് പാലിച്ച് പോലിസ് ഏര്പ്പെടുത്തിയിട്ടുണ്ട്. എല്ലാത്തരം സുരക്ഷാ പ്രോട്ടോക്കോളും പാലിച്ചുതന്നെയാണ് ഉദ്യോഗസ്ഥരെ വിമാനത്താവളങ്ങളില് നിയോഗിച്ചിരിക്കുന്നതെന്ന് അദ്ദേഹം പറഞ്ഞു.
വീടുകളില് നിരീക്ഷണത്തിനായി അയയ്ക്കുന്ന ഗര്ഭിണികളെയും കുട്ടികളെയും കൂട്ടിക്കൊണ്ടുപോകാന് ഒരുബന്ധുവിന് മാത്രമേ വിമാനത്താവളത്തില് പ്രവേശനാനുമതി ഉണ്ടാവൂ. അവര് എല്ലാവിധ സുരക്ഷാ പ്രോട്ടോക്കോളും സാമൂഹിക അകലവും പാലിക്കേണ്ടതാണ്. അബുദബി, ദുബയ് എന്നിവിടങ്ങളില് നിന്നുളള പ്രവാസികളാണ് ഇന്ന് രാത്രി നെടുമ്പാശ്ശേരി, കരിപ്പൂര് വിമാനത്താവളങ്ങളില് എത്തുന്നത്. ഡി.ഐ.ജി കാളിരാജ് മഹേഷ്കുമാറും രണ്ട് എസ്പിമാരുമാണ് നെടുമ്പാശ്ശേരി വിമാനത്താവളത്തില് സുരക്ഷയ്ക്ക് നേതൃത്വം നല്കുന്നത്. കരിപ്പൂര് വിമാനത്താവളത്തില് ഡിഐജി എസ് സുരേന്ദ്രനും രണ്ട് എസ്പിമാരും നേതൃത്വം നല്കുന്ന പോലിസ് സംഘമുണ്ടാവും.
RELATED STORIES
മണപ്പുറം ഫിനാന്സ് തട്ടിപ്പ്; പ്രതി ധന്യാ മോഹന് പോലിസില് കീഴടങ്ങി
26 July 2024 5:46 PM GMTആര്എസ്എസിനെ പുകഴ്ത്തിയും വിലക്കിനെ വിമര്ശിച്ചും മധ്യപ്രദേശ്...
26 July 2024 5:25 PM GMT'അര്ജുനെ കണ്ടെത്താന് കുടുതല് ഇടപെടല് വേണം'; പ്രതിരോധ മന്ത്രിക്കും...
26 July 2024 5:06 PM GMTഖാന് യൂനിസില് വീണ്ടും ഇസ്രായേല് കൂട്ടക്കുരുതി; 18 പേര്...
26 July 2024 4:55 PM GMTസംസ്ഥാന സ്കൂള് കലോല്സവം ഡിസംബര് മൂന്നുമുതല് തിരുവനന്തപുരത്ത്
26 July 2024 4:45 PM GMTനീറ്റ് യുജി പുതുക്കിയ റാങ്ക് പട്ടിക പുറത്തിറക്കി; കണ്ണൂര് സ്വദേശി...
26 July 2024 4:29 PM GMT