കസേരയില്‍ ഇരുന്ന് ഉറങ്ങുകയായിരുന്ന ആളുടെ ഷര്‍ട്ടിന്റെ പോക്കറ്റില്‍ നിന്നും 18,000 രൂപ മോഷ്ടിച്ച സംഭവം; രണ്ടു പേര്‍ പിടിയില്‍

കൊച്ചി: കസേരയില്‍ ഇരുന്ന് ഉറങ്ങുകയായിരുന്ന ആളുടെ ഷര്‍ട്ടിന്റെ പോക്കറ്റില്‍ നിന്നും 18,000 രൂപ മോഷ്ടിച്ചവര്‍ അറസ്റ്റില്‍. പുത്തന്‍വേലിക്കര സ്വദേശി തമ്പി (56), മുതുപറമ്പ് സ്വദേശി ഉണ്ണികൃഷ്ണന്‍ (52) എന്നിവരെയാണ് പുത്തന്‍വേലിക്കര പോലിസ് അറസ്റ്റ് ചെയ്തത്.

പുത്തന്‍വേലിക്കരയിലെ ബാറിനു മുന്നില്‍ കസേരയിലിരുന്ന് ഉറങ്ങുകയായിരുന്ന രാജു എന്നയാളുടെ ഷര്‍ട്ടിന്റെ പോക്കറ്റില്‍ നിന്നുമാണ് ഇവര്‍ 18000 രൂപ മോഷ്ടിച്ചത്. സംഭവശേശം ഇവര്‍ കടന്ന് കളഞ്ഞുവെങ്കിലും പരാതിയെ തുടര്‍ന്ന് കേസെടുത്ത പോലിസ് സി ഐ വി ജയകുമാറിന്റെ നേതൃത്വത്തിലുള്ള അന്വേഷണ സംഘം പ്രതികളെ പിടികൂടുകയായിരന്നു.