കരട് വോട്ടര്‍പട്ടിക നവംബര്‍ 25ന്; ഡിസംബര്‍ 24 വരെ ആക്ഷേപങ്ങള്‍ ഫയല്‍ ചെയ്യാം

തിരുവനന്തപുരം: തിരഞ്ഞെടുപ്പ് കമ്മീഷന്‍ നടപ്പാക്കി വരുന്ന ഇലക്ടറല്‍ വെരിഫിക്കേഷന്‍ പ്രോഗ്രാം നവംബര്‍ 18 വരെ നീട്ടി. 2020 ജനുവരി യോഗ്യതാ തീയതിയായി നിശ്ചയിച്ച് സമ്മതിദായക പട്ടിക പുതുക്കുന്നതിനുള്ള പ്രത്യേക സമ്മതിദായക പട്ടിക പുതുക്കല്‍ പരിപാടിയോടനുബന്ധിച്ച് ഒക്ടോബര്‍ 15ന് കരട് സമ്മതിദായക പട്ടിക പ്രസിദ്ധീകരിക്കേണ്ടിയിരുന്നത് നവംബര്‍ 25ലേക്ക് മാറ്റി.

പൊതുജനങ്ങള്‍ക്ക് നവംബര്‍ 25 മുതല്‍ ഡിസംബര്‍ 24 വരെ അവകാശങ്ങളും ആക്ഷേപങ്ങളും ഫയല്‍ ചെയ്യാം. 2020 ജനുവരി 20ന് സമ്മതിദായക പട്ടിക അന്തിമമായി പ്രസിദ്ധീകരിക്കുമെന്ന് മുഖ്യ തിരഞ്ഞെടുപ്പ് ഓഫീസര്‍ അറിയിച്ചു.