പെരുമ്പാവൂരിലെ യുഡിഎഫ് സ്ഥാനാര്‍ഥി എല്‍ദോസ് കുന്നപ്പിള്ളിക്കും ഇരട്ടവോട്ട്

കൊച്ചി: പെരുമ്പാവൂരിലെ യുഡിഎഫ് ്സ്ഥാനാര്‍ഥി എല്‍ദോസ് കുന്നപ്പിള്ളിക്കും ഇരട്ട വോട്ടെന്ന് റിപോര്‍ട്. പെരുമ്പാവൂര്‍,മൂവാറ്റുപുഴ മണ്ഡലങ്ങളില്‍ എല്‍ദോസ് കുന്നപ്പിള്ളിക്കും ഭാര്യയ്ക്കും വോട്ടുണ്ടെന്നാണ് റിപോര്‍ടുകള്‍.പെരുമ്പാവൂര്‍ മണ്ഡലത്തില്‍ രായമംഗലം പഞ്ചായത്തിലും മൂവാറ്റുപുഴയില്‍ മാറാടി പഞ്ചായത്തിലുമാണ് വോട്ടെന്നാണ് പുറത്തുവന്ന റിപ്പോര്‍ട്ട്.

ഇരട്ടവോട്ടുള്ളതിനെക്കുറിച്ച് തനിക്കറിയില്ലെന്നും തനിക്കും ഭാര്യയ്ക്കും പെരുമ്പാവൂര്‍ രായമംഗലം പഞ്ചായത്തിലെ ബൂത്തിലാണ് വോട്ടെന്നും മൂവാറ്റുപുഴയില്‍ നിന്നും അഞ്ചു വര്‍ഷം മുമ്പ് താന്‍ താമസം മാറിയതെന്നുമാണ് എല്‍ദോസ് കുന്നപ്പിള്ളി പറയുന്നത്.

സംസ്ഥാനത്തെ ഇരട്ടവോട്ടുകള്‍ക്കെതിരെ പ്രതിപക്ഷ നേതാവ് രമേശ് ചെന്നിത്തല ഹൈക്കോടതിയില്‍ ഹരജി നല്‍കിയിരിക്കുകയാണ്.തിരഞ്ഞെടുപ്പ് കമ്മീഷനോട് ഇത് സംബന്ധിച്ച് ഈ മാസം 29 ന് വിശദീകരണം നല്‍കാന്‍ ഹൈക്കോടതി നിര്‍ദേശം നല്‍കിയിരിക്കുകയാണ്.