ക്രിമിനല്‍ കേസുകളിലെ ഇരകള്‍ക്കുള്ള നഷ്ടപരിഹാര തുക വര്‍ധിപ്പിക്കല്‍; ഹൈക്കോടതി സര്‍ക്കാരിന്റെ വിശദീകരണം തേടി

കൊച്ചി: ക്രിമിനല്‍ കേസുകളിലെ ഇരകള്‍ക്ക് ലഭിക്കുന്ന നഷ്ടപരിഹാര തുക വര്‍ധിപ്പിക്കണമെന്നാവശ്യപ്പെട്ടുള്ള ഹരജിയില്‍ ഹൈക്കോടതി സര്‍ക്കാരിന്റെ വിശദീകരണം തേടി. വിവരാവകാശ പ്രവര്‍ത്തകന്‍ ഡി ബി ബിനു സമര്‍പ്പിച്ച ഹരജിയിലാണ്് കോടതി വിശദീകരണം തേടിയത്. ചീഫ് ജസ്റ്റിസ് ഋഷികേശ് റോയി, ജസ്റ്റിസ് എ കെ ജയശങ്കര്‍ നമ്പ്യാര്‍ എന്നിവരടങ്ങിയ ഡിവിഷന്‍ ബഞ്ചാണ് ഹരജി പരിഗണിച്ചത്. നാമമാത്രമായ തുകയാണ് സര്‍ക്കാരില്‍ നിന്നും ലഭിക്കുന്നതെന്നും ലീഗല്‍ സര്‍വീസസ് അതോറിറ്റി വഴിയുള്ള സഹായ വിതരണങ്ങള്‍ക്ക് കൂടുതല്‍ തുക വകയിരുത്തണമെന്നും ഹരജിയില്‍ ആവശ്യപ്പെട്ടിട്ടുണ്ട്.