കൊവിഡ് ചികില്‍സ: എറണാകുളത്ത് ഡോക്ടര്‍മാരെയും നഴ്‌സുമാരെയും ആവശ്യമുണ്ട്

കൊച്ചി: എറണാകുളം ജില്ലയിലെ വിവിധ കൊവിഡ് ചികില്‍സ കേന്ദ്രങ്ങളിലേക്ക് അടിയന്തിരമായി സ്റ്റാഫ് നേഴ്‌സ്മാരെയും, ഡോക്ടര്‍മാരെയും ആവശ്യമുണ്ട്. കേരള പി എസ് സി അംഗീകരിച്ച യോഗ്യതയുള്ളവര്‍ക്കാണ് അവസരം. നേഴ്‌സുമാര്‍ക്ക് പ്രതിമാസം 17000/ രൂപ നിരക്കിലും ഡോക്ടര്‍മാര്‍ക്ക് പ്രതിമാസം 41000/ രൂപ നിരക്കിലും ദിവസവേതനടിസ്ഥാനത്തില്‍ ആണ് നിയമനം.

കേരള സര്‍ക്കാരിന്റെ കൊവിഡ് ബ്രിഗേഡ് ല്‍ രജിസ്റ്റര്‍ ചെയ്ത നമ്പര്‍ ഉള്‍പ്പെടുത്തിയ അപേക്ഷ/ബയോഡാറ്റ, നഴ്‌സിംഗ് കൗണ്‍സില്‍/ടിസിഎംസി രജിസ്‌ട്രേഷന്‍ സര്‍ട്ടിഫിക്കറ്റ് കോപ്പി എന്നിവ സഹിതം covidbrigadeekm@gmail.com എന്ന ഇ-മെയില്‍ വിലാസത്തിലേക്ക് അയക്കുക.ഉടന്‍ ജോലിയില്‍ പ്രവേശിക്കാന്‍ തയ്യാറുള്ളവര്‍ മാത്രം അപേക്ഷിച്ചാല്‍ മതി.കൂടുതല്‍ വിവരങ്ങള്‍ക്ക് 090727 88123 എന്ന നമ്പറില്‍ ബന്ധപ്പെടുക.