ടോസിലിസുമാബ് ചികില്സ;83കാരിക്ക് എറണാകുളം മെഡിക്കല് കോളജില് കൊവിഡ് രോഗമുക്തി
ഡയബറ്റിക് കീറ്റോ അസിഡോസിസും വൃക്കരോഗവും അടക്കമുള്ള സങ്കീര്ണമായ അവസ്ഥയിലായിരുന്ന രോഗിയ്ക്ക്ജീവന്രക്ഷാ ഔഷധമായി ടോസിലിസുമാബ് നല്കിയതാണ് കൊവിഡ് രോഗമുക്തിവേഗത്തിലാക്കിയതെന്ന് മെഡിക്കല് കോളജ് അധികൃതര് പറഞ്ഞു.മെയ് 28ന് മുംബൈയില് നിന്നും തീവണ്ടിമാര്ഗമെത്തിയ ഇവരെ അര്ധബോധാവസ്ഥയിലാണ് ആശുപത്രിയിലെത്തിച്ചത്
കൊച്ചി: കൊവിഡ്രോഗബാധിതയായി അതീവ ഗുരുതരാവസ്ഥയില് എറണാകുളം മെഡിക്കല് കോളജില് പ്രവേശിപ്പിക്കപ്പെട്ട തൃശൂര് സ്വദേശിയായ 83കാരി 14 ദിവസം നീണ്ട ചികില്സയെ തുടര്ന്ന് കൊവിഡില് നിന്നും മുക്തി നേടി. തുടര് ചികില്സയ്ക്കായി ഇവര് തീവ്ര പരിചരണ വിഭാഗത്തില് തുടരുകയാണ്. ഡയബറ്റിക് കീറ്റോ അസിഡോസിസും വൃക്കരോഗവും അടക്കമുള്ള സങ്കീര്ണമായ അവസ്ഥയിലായിരുന്ന രോഗിയ്ക്ക്ജീവന്രക്ഷാ ഔഷധമായി ടോസിലിസുമാബ് നല്കിയതാണ് കൊവിഡ് രോഗമുക്തിവേഗത്തിലാക്കിയതെന്ന് മെഡിക്കല് കോളജ് അധികൃതര് പറഞ്ഞു.
മെയ് 28ന് മുംബൈയില് നിന്നും തീവണ്ടിമാര്ഗമെത്തിയ ഇവരെ അര്ധബോധാവസ്ഥയിലാണ് ആശുപത്രിയിലെത്തിച്ചത്. ശ്വാസകോശത്തില് അണുബാധ കണ്ടെത്തിയതിനെ തുടര്ന്ന് തീവ്ര പരിചരണ വിഭാഗത്തില് വെന്റിലേറ്ററിലാക്കി. നിലവിലുള്ള ഗുരുതരമായ രോഗങ്ങള്ക്കൊപ്പം കൊവിഡ്കൂടി സ്ഥിരീകരിച്ചത് ചികില്സ ഏറെ സങ്കീര്ണമാക്കി. തുടര്ന്നാണ് ഐഎല്6 ആന്റഗോണിസ്റ്റ് വിഭാഗത്തില് പെടുന്ന ടോസിലിസുമാബ് ഉപയോഗിച്ചുള്ള ചികില്സയ്ക്ക് മെഡിക്കല് കോളജ് അധികൃതര് തീരുമാനമെടുത്തത്. ടോസിലിസുമാബ് ഉപയോഗിച്ചുള്ള ചികില്സയില് കൊവിഡ്ഭേദമായത് സുപ്രധാന നാഴികക്കല്ലാണെന്നാണ് വിലയിരുത്തല്. തുടര്ച്ചയായി രണ്ടു തവണ കൊവിഡ് പരിശോധനാഫലം നെഗറ്റീവായതിനെ തുടര്ന്നാണ് ഇവര് വൈറസ് ബാധയില് നിന്നും മോചിതയായതായി സ്ഥിരീകരിച്ചത്.
ഇവര്ക്കൊപ്പം മുംബൈയില് നിന്നെത്തിയ മകളും ഭര്ത്താവും കൊവിഡ് ബാധിതരായി മെഡിക്കല് കോളജില് ചികില്സയിലായിരുന്നു. മകളുടെ ഭര്ത്താവിന്റെ നില ഗുരുതരമായിരുന്നെങ്കിലും കൊവിഡ് പരിശോധനാഫലം നെഗറ്റീവായിട്ടുണ്ട്. ഇദ്ദേഹത്തിന്റെ ചികില്സയ്ക്ക് എച്ച്ഐവി മരുന്നുകള് പ്രയോജനപ്പെടുത്തിയിരുന്നു. മകള് പൊസീറ്റിവായി തുടരുന്നു.കൊവിഡ് ബാധിച്ച് അതീവ ഗുരുതരാവസ്ഥയില് മെഡിക്കല് കോളജില് പ്രവേശിപ്പിക്കപ്പെട്ടിരുന്ന ബ്രിട്ടീഷ് പൗരന് ബ്രയാന് നീല് എച്ച്ഐവി മരുന്നുകള് നല്കിയുള്ള ചികില്സയെ തുടര്ന്ന് ഏതാനും നാളുകള്ക്ക് മുമ്പ് രക്ഷ പ്രാപിച്ചത് ഏറെ ശ്രദ്ധിക്കപ്പെട്ടിരുന്നു.
ഇതിന് പിന്നാലെയാണ് ടോസിലിസുമാബ് ചികില്,സയിലൂടെ മെഡിക്കല് കോളജ് പുതിയ നേട്ടം കൈവരിച്ചിരിക്കുന്നത്.പ്രിന്സിപ്പല് ഡോ. എന് റോയി, വൈസ് പ്രിന്സിപ്പലും കൊവിഡ്നോഡല് ഓഫീസറുമായ ഡോ. എ ഫത്താഹുദ്ദീന് എന്നിവരുടെ മേല്നോട്ടത്തില് സൂപ്രണ്ട് ഡോ. പീറ്റര് പി വാഴയില്, ആര്എംഒ ഡോ. ഗണേശ് മോഹന്, ഡോ. ജേക്കബ് ജേക്കബ്, ഡോ.ജോ ജോസഫ്, ഡോ. പ്രഫ. റെനി എന്നിവരാണ് ചികില്സയ്ക്ക് നേതൃത്വം നല്കിയത്.
മഹാരാഷ്ട്രയില് ബഹുനില കെട്ടിടം തകര്ന്ന് എട്ടുമരണം; 25 പേരെ...
21 Sep 2020 2:40 AM GMTമലയാറ്റൂരില് പാറമടയില് പൊട്ടിത്തെറി; രണ്ട് അന്തര്സംസ്ഥാന...
21 Sep 2020 2:18 AM GMTകോഴിക്കോട് നാദാപുരത്ത് പുഴയില് കുളിക്കാനിറങ്ങിയ യുവാവ്...
21 Sep 2020 2:00 AM GMTസംസ്ഥാനത്തെ റേഷന്കടകള്ക്ക് ഇന്ന് അവധി
21 Sep 2020 1:36 AM GMTസംസ്ഥാനത്ത് ഇന്നും അതിതീവ്ര മഴ; പത്ത് ജില്ലകളില് ഓറഞ്ച് അലര്ട്ട്,...
21 Sep 2020 1:24 AM GMTരണ്ട് പുതിയ കണ്ടെയ്ന്മെന്റ് സോണുകള്; കോട്ടയം ജില്ലയില് ആകെ 32...
21 Sep 2020 12:50 AM GMT
