കൊവിഡ് വ്യാപനം രൂക്ഷം; കോട്ടയം ജില്ലയിലെ നാല് വാര്‍ഡുകളില്‍ നിരോധനാജ്ഞ

കോട്ടയം: കൊവിഡ് വ്യാപനം രൂക്ഷമായതിനെത്തുടര്‍ന്ന് ചെമ്പ് ഗ്രാമപ്പഞ്ചായത്തിലെ 11, 14 വാര്‍ഡുകളിലും കൂരോപ്പട ഗ്രാമപ്പഞ്ചായത്തിലെ 15,16 വാര്‍ഡുകളിലും നിരോധനാജ്ഞ പുറപ്പെടുവിച്ച് ജില്ലാ കലക്ടര്‍ എം അഞ്ജന ഉത്തരവായി.

ജില്ലാ പോലിസ് മേധാവിയുടെയും ജില്ലാ മെഡിക്കല്‍ ഓഫിസറുടെയും റിപ്പോര്‍ട്ടുകള്‍ പരിഗണിച്ചാണ് നടപടി. ഇന്നലെ അര്‍ധരാത്രി മുതലാണ് നിയന്ത്രണങ്ങള്‍ നിലവില്‍ വന്നത്. 144 പ്രഖ്യാപിച്ച വാര്‍ഡുകളില്‍ നാലുപേരില്‍ കൂടുതല്‍ ഒത്തുചേരാന്‍ പാടില്ല. ജില്ലാ പോലിസ് മേധാവിയുടെ നേതൃത്വത്തില്‍ നിയന്ത്രണങ്ങള്‍ ഉറപ്പുവരുത്തും.