കൊവിഡ് പ്രതിരോധത്തോടൊപ്പം പദ്ധതികളുടെ പൂര്ത്തീകരണത്തിന് മുന്ഗണന നല്കും: മുഖ്യമന്ത്രി
കൊവിഡിന്റെ സാഹചര്യത്തില് സര്ക്കാര് ഓഫിസുകളുടെ പ്രവര്ത്തനങ്ങളില് ക്രമീകരണം ഏര്പ്പെടുത്തേണ്ടിവന്നിട്ടുണ്ട്. ജീവനക്കാരുടെ ഒരുഭാഗം മാത്രമേ ഓഫിസില് എത്തുന്നുളളൂ. ഒരാള് കൈകാര്യം ചെയ്യുന്ന ഫയല്, ആ ആള് ഇല്ലാത്തതുകൊണ്ട് ബന്ധപ്പെട്ടവര്ക്ക് മറുപടി ലഭിക്കാത്ത സാഹചര്യമുണ്ടാവരുത്.
കോഴിക്കോട്: കൊവിഡിനെതിരെയുളള പ്രതിരോധ നടപടികള്ക്കൊപ്പം തന്നെ തദ്ദേശസ്വയംഭരണ സ്ഥാപനങ്ങളുടെയും വിവിധ വകുപ്പുകളുടെയും നേതൃത്വത്തിലുളള പദ്ധതികള് സമയബന്ധിതമായി പൂര്ത്തിയാക്കുമെന്ന് മുഖ്യമന്ത്രി പിണറായി വിജയന്. കുന്ദമംഗലം മിനി സിവില്സ്റ്റേഷന്റെ ഉദ്ഘാടനം വീഡിയോ കോണ്ഫറന്സ് വഴി നിര്വഹിക്കുകയായിരുന്നു അദ്ദേഹം. ദുരന്തങ്ങളുടെ സാഹചര്യത്തില് പദ്ധതി നിര്വഹണത്തില് തടസമുണ്ടാവും.
എന്നാല്, നാടിന്റെ ഭാവി ഉറപ്പാക്കുന്ന പദ്ധതികള് നടപ്പാക്കേണ്ടതുണ്ട്. കൊവിഡിനെതിരെയുളള പോരാട്ടം നടക്കുന്നതോടൊപ്പം പദ്ധതി നിര്വഹണത്തിനുളള നടപടികള്ക്ക് മുന്ഗണന നല്കും. കൊവിഡിന്റെ സാഹചര്യത്തില് സര്ക്കാര് ഓഫിസുകളുടെ പ്രവര്ത്തനങ്ങളില് ക്രമീകരണം ഏര്പ്പെടുത്തേണ്ടിവന്നിട്ടുണ്ട്. ജീവനക്കാരുടെ ഒരുഭാഗം മാത്രമേ ഓഫിസില് എത്തുന്നുളളൂ. ഒരാള് കൈകാര്യം ചെയ്യുന്ന ഫയല്, ആ ആള് ഇല്ലാത്തതുകൊണ്ട് ബന്ധപ്പെട്ടവര്ക്ക് മറുപടി ലഭിക്കാത്ത സാഹചര്യമുണ്ടാവരുത്. ഓഫിസ് നടപടികള് പരസ്പരം പങ്കിട്ട് പൂര്ത്തീകരിക്കുന്ന അവസ്ഥയുണ്ടാവണം.
കൊവിഡ് കുറച്ചുനാള് കൂടി നമ്മോടൊപ്പമുണ്ടാവും. മഹാമാരിക്കെതിരെയുളള പോരാട്ടം ഇനിയും തുടരേണ്ടതുണ്ട്. മറ്റ് രാജ്യങ്ങളുമായി താരതമ്യം ചെയ്യുമ്പോള് ഇക്കാര്യത്തില് നമുക്ക് നേട്ടമുണ്ടായിട്ടുണ്ടെങ്കിലും രോഗവ്യാപനമുണ്ടെന്നത് വസ്തുതയാണ്. കൂടുതല് വ്യാപനമില്ലാതിരിക്കുകയെന്നത് പ്രധാനമാണ്. സര്ക്കാരിനൊപ്പം നാട്ടുകാരും ഒന്നിച്ചുചേര്ന്നുള്ള പ്രതിരോധം ഉണ്ടാവണം. വിഷമകരമായ സാഹചര്യങ്ങളാണെങ്കിലും ഈ സാഹചര്യങ്ങള് മനസ്സിലാക്കിക്കൊണ്ടുളള പിന്തുണ ജനങ്ങളില്നിന്ന് ലഭിക്കുന്നുണ്ടെന്ന് മുഖ്യമന്ത്രി പറഞ്ഞു.
കൊവിഡ് മാനദണ്ഡങ്ങള് പൂര്ണമായും പാലിച്ചാണ് ചടങ്ങ് നടന്നത്. റവന്യുമന്ത്രി ഇ ചന്ദ്രശേഖരന് അധ്യക്ഷത വഹിച്ചു. പി ടി എ റഹിം എംഎല്എ സഹ അധ്യക്ഷനായിരുന്നു. ജില്ലാ പഞ്ചായത്ത് പ്രസിഡന്റ് ബാബു പറശ്ശേരി, ജില്ലാ കലക്ടര് സാംബശിവറാവു, എഡിഎം രോഷ്നി നാരായണന്, ജില്ലാ പഞ്ചായത്ത് വൈസ് പ്രസിഡന്റ് റീന മുണ്ടേങ്ങാട്, കുന്ദമംഗലം ബ്ലോക്ക് പഞ്ചായത്ത് പ്രസിഡന്റ്് സുനിത പൂതക്കുഴിയില്, വൈസ് പ്രസിഡന്റ് പി ശിവദാസന് നായര്, കുന്ദമംഗലം ഗ്രാമപ്പഞ്ചായത്ത് പ്രസിഡന്റ്് ലീന വാസുദേവന് തുടങ്ങിയവര് സംസാരിച്ചു. ബില്ഡിങ് ഡിവിഷന് എക്സിക്യൂട്ടീവ് എന്ജിനീയര് കെ ലേഖ റിപോര്ട്ട് അവതരിപ്പിച്ചു. ജില്ലാ- ബ്ലോക്ക് - ഗ്രാമപ്പഞ്ചായത്ത് ജനപ്രതിനിധികള്, ഉദ്യോഗസ്ഥര് തുടങ്ങിയവര് പങ്കെടുത്തു.
RELATED STORIES
ഐപിഎല്; ചെന്നൈക്കെതിരെ ലഖ്നൗവിന് എട്ട് വിക്കറ്റ് ജയം
19 April 2024 6:21 PM GMTബട്ലര് യു ഡിഡ് ഇറ്റ്; നൈറ്റ് റൈഡേഴ്സ് വെല്ലുവിളിയും മറികടന്ന്...
16 April 2024 6:37 PM GMTഐപിഎല്; ഒന്നില് തുടരാന് രാജസ്ഥാന് റോയല്സ്; ഒന്നിലെത്താന് നൈറ്റ്...
16 April 2024 7:47 AM GMTഹാര്ദ്ദിക്കിന്റെയും ക്രുണാലിന്റെയും പണം തട്ടിയെടുത്തു; അര്ദ്ധ...
11 April 2024 12:40 PM GMTരോഹിത് ശര്മ്മയുടെ പുറത്താകല് ആഘോഷിച്ചു; സിഎസ്കെ ആരാധകനെ...
1 April 2024 3:04 PM GMTഐപിഎല്; ചിന്നസ്വാമിയില് ചെന്ന് ബെംഗളൂരിനെ തകര്ത്ത് നൈറ്റ് റൈഡേഴ്സ്
29 March 2024 5:50 PM GMT