കൊവിഡ്: അടുത്തിടപഴകിയവരോട് അഭ്യര്ഥനയുമായി ഇടുക്കിയിലെ കോണ്ഗ്രസ് നേതാവ്
ജില്ലാ കലക്ടറുമായി സംസാരിച്ചതിന്റെ അടിസ്ഥാനത്തിലാണ് പ്രസ്താവന പുറത്തുവിടുന്നതെന്നും അദ്ദേഹം പറയുന്നു.
ഇടുക്കി: കൊവിഡ് 19 സ്ഥിരീകരിച്ച പശ്ചാത്തലത്തില് താനുമായി അടുത്തിടപഴകിയവരോട് അഭ്യര്ഥന നടത്തി ഇടുക്കി തൊടുപുഴ ജില്ലാ ആശുപത്രിയില് ചികില്സയില് കഴിയുന്ന കോണ്ഗ്രസ് നേതാവ്. ജില്ലാ കലക്ടറുമായി സംസാരിച്ചതിന്റെ അടിസ്ഥാനത്തിലാണ് പ്രസ്താവന പുറത്തുവിടുന്നതെന്നും അദ്ദേഹം പറയുന്നു. താനുമായി ഇടപഴകിയ സുഹൃത്തുക്കളും അഭ്യുദയകാംക്ഷികളും തൊട്ടടുത്തുള്ള ആരോഗ്യപ്രവര്ത്തകരെ സമയബന്ധിതമായി ബന്ധപ്പെടണമെന്നും ആവശ്യമായ മുന്കരുതലെടുക്കണമെന്നും അ്ദ്ദേഹം വ്യക്തമാക്കുന്നു.
അഭ്യര്ഥനയുടെ പൂര്ണരൂപം ചുവടെ:
ആരോഗ്യവകുപ്പ് അധികൃതര് പറഞ്ഞാണ് എനിക്ക് കൊവിഡ് രോഗമുണ്ടെന്ന് അറിയുന്നത്. എന്റെ രോഗത്തേക്കാള് ഉപരി പൊതുപ്രവര്ത്തകനെന്ന നിലയില് ഒട്ടേറെ ആളുകളുമായി ഇടപഴകുകയും യാത്രകള് ചെയ്യേണ്ടതായും വന്നിട്ടുണ്ട്. ഇക്കാര്യത്തില് എനിക്കു വലിയ വേദനയും ദു:ഖവുമുണ്ട്. ഫെബ്രുവരി 29 മുതലുള്ള കാലയളവില് ഞാനുമായി അടുത്തിടപഴകിയിട്ടുള്ളവരോ സംസാരിക്കുകയോ ചെയ്തിട്ടുള്ള എന്റെ പരിചയക്കാരും സുഹൃത്തുക്കളും അഭ്യുദയകാംക്ഷികളുമായിട്ടുള്ള ആളുകള് അവരവരുടെ തൊട്ടടുത്തുള്ള ആരോഗ്യപ്രവര്ത്തകരെ സമയബന്ധിതമായി ബന്ധപ്പെടാനും ആവശ്യമായ മുന്കരുതലെടുക്കാനും തയാറാകണമെന്ന് വിനയപൂര്വം അഭ്യര്ഥിക്കുന്നു.
ഞാന് യാത്ര ചെയ്ത മേഖലകളുമായും തിരുവനന്തപുരവുമായും എനിക്ക് ബന്ധപ്പെടേണ്ടിവന്നിട്ടുണ്ട്. ഇതിനിടയില് എനിക്ക് ഓര്മയിലില്ലാത്ത പല ആളുകളുമുണ്ട്. പലരും പല കാര്യങ്ങള്ക്കും എന്നെ ബന്ധപ്പെട്ടിട്ടുണ്ട്. പലപ്പോഴും ദിവസം 150-200 കിലോമീറ്റര് യാത്ര ചെയ്യേണ്ടിവന്നിട്ടുണ്ട്. പൊതുപ്രവര്ത്തകനെന്ന നിലയില് എന്നെ സ്നേഹിക്കുകയും സമ്പര്ക്കം പുലര്ത്തുകയും ചെയ്ത ഒരുപിടി സാധാരണക്കാരായ ആളുകള് ഇതിലുള്പ്പെടുന്നു. പരിശോധനയില് രോഗം സ്ഥിരീകരിച്ച സാഹചര്യത്തില് എല്ലാവരും മുന്കരുതല് സ്വീകരിക്കണമെന്ന് ഒരിക്കല്കൂടി അഭ്യര്ഥിക്കുന്നു.
RELATED STORIES
എന്ഡ് ടു എന്ഡ് എന്ക്രിപ്ഷന് എടുത്തുമാറ്റാന് ആവശ്യപ്പെട്ടാല്...
26 April 2024 3:10 PM GMTകേരളത്തില് കള്ളവോട്ട് പരാതി വ്യാപകം; പത്തനംതിട്ട മണ്ഡലത്തില് ഏഴ്...
26 April 2024 3:01 PM GMTപലയിടത്തും രാത്രിയിലും നീണ്ടനിര; പോളിങ് ശതമാനം 70.03 പിന്നിട്ടു
26 April 2024 2:48 PM GMTകല്പറ്റയില് പിക്കപ്പിലേക്ക് ലോറി ഇടിച്ചുകയറി യുവാവ് മരിച്ചു
26 April 2024 2:25 PM GMTനീറ്റ് പരീക്ഷ മാര്ഗ നിര്ദേശക ക്ലാസ് 29ന്
26 April 2024 12:45 PM GMTവോട്ട് ചെയ്യുക എന്നത് ഓരോ പൗരന്റെയും അവകാശവും കടമയുമാണെന്ന് നടന്...
26 April 2024 11:33 AM GMT