ഗീതാ ഗോപി എംഎല്എയെ ജാതീയമായി അധിക്ഷേപിച്ചെന്ന്; യൂത്ത് കോണ്ഗ്രസുകാര്ക്കെതിരേ കേസ്
കണ്ടാലറിയാവുന്ന പ്രവര്ത്തകരെയാണ് പ്രതിപ്പട്ടികയില് ഉള്പ്പെടുത്തിയിരിക്കുന്നത്. പട്ടികജാതി- വര്ഗ വിഭാഗങ്ങള്ക്കെതിതായ അതിക്രമം തടയുന്ന നിയമമാണ് ഇവര്ക്കെതിരേ ചുമത്തിയിരിക്കുന്നതെന്ന് ചേര്പ്പ് പോലിസ് അറിയിച്ചു.
തൃശൂര്: ഗീതാ ഗോപി എംഎല്എ കുത്തിയിരിപ്പ് സമരം നടത്തിയ സ്ഥലത്ത് ചാണകവെള്ളം തളിച്ച് 'ശുദ്ധിക്രിയ' നടത്തിയ യൂത്ത് കോണ്ഗ്രസ് പ്രവര്ത്തകര്ക്കെതിരേ കേസ്. കണ്ടാലറിയാവുന്ന പ്രവര്ത്തകരെയാണ് പ്രതിപ്പട്ടികയില് ഉള്പ്പെടുത്തിയിരിക്കുന്നത്. പട്ടികജാതി- വര്ഗ വിഭാഗങ്ങള്ക്കെതിതായ അതിക്രമം തടയുന്ന നിയമമാണ് ഇവര്ക്കെതിരേ ചുമത്തിയിരിക്കുന്നതെന്ന് ചേര്പ്പ് പോലിസ് അറിയിച്ചു. പട്ടികജാതി വിഭാഗത്തില്പ്പെട്ട തന്നെ ജാതീയമായ അധിക്ഷേപത്തിന് ഇരയാക്കിയെന്ന് ചൂണ്ടിക്കാട്ടി എംഎല്എ പോലിസില് പരാതി നല്കിയിരുന്നു. ഇതിന്റെ അടിസ്ഥാനത്തിലാണ് പോലിസിന്റെ നടപടി. യൂത്ത് കോണ്ഗ്രസ് പ്രവര്ത്തകരുടെ നടപടിയില് മുഖ്യമന്ത്രിക്കും സ്പീക്കര്ക്കും പരാതി നല്കുമെന്നും ഗീതാ ഗോപി അറിയിച്ചു.
അതേസമയം, എംഎല്എയുടെ പരാതി കിട്ടിയാല് നടപടി സ്വീകരിക്കുമെന്ന് സ്പീക്കര് പി ശ്രീരാമകൃഷ്ണന് വ്യക്തമാക്കി. തൃപ്രയാര്- ചേര്പ്പ് റോഡിന്റെ ശോച്യാവസ്ഥ പരിഹരിക്കാത്തതില് പ്രതിഷേധിച്ച് എംഎല്എയെ കഴിഞ്ഞ ദിവസം നാട്ടുകാര് വഴിയില് തടഞ്ഞിരുന്നു. റോഡ് അറ്റകുറ്റപ്പണി നടത്താത്തതിന് പിന്നില് ഉദ്യോഗസ്ഥരുടെ വീഴ്ചയാണെന്ന് ചൂണ്ടിക്കാട്ടി എംഎല്എ പൊതുമരാമത്ത് ഓഫിസിന് മുന്നില് കുത്തിയിരിപ്പ് സമരം നടത്തിയിരുന്നു. ഇത് അവസാനിച്ചതിന് പിന്നാലെയാണ് എംഎല്എ ഇരുന്ന സ്ഥലത്ത് ചാണകവെള്ളം തളിച്ച് 'ശുദ്ധിക്രിയ' നടത്തിയത്. എംഎല്എ നടത്തുന്നത് നാടകമാണെന്ന് ആരോപിച്ചായിരുന്നു പ്രതിഷേധം. തൃശൂര് നാട്ടികയില്നിന്നുള്ള സിപിഐയുടെ എംഎല്എയാണ് ഗീത.
RELATED STORIES
റിയാസ് മൗലവി വധം: ജനകീയ കണ്വന്ഷന് അനുമതി നിഷേധിച്ച് പോലിസ്
18 April 2024 12:52 PM GMTകോഴിക്കോട് ഐസിയു പീഡനക്കേസ്; അതിജീവിത കമ്മിഷണർ ഓഫീസിന് മുമ്പിൽ സമരം...
18 April 2024 12:35 PM GMTപ്രമേഹം കൂട്ടി ജാമ്യം ലഭിക്കാൻ കെജ്രിവാൾ ജയിലിൽ മാങ്ങയും മധുരവും...
18 April 2024 12:34 PM GMTഇറാന് പിടിച്ചെടുത്ത കപ്പലിലെ മലയാളി യുവതിയെ മോചിപ്പിച്ചു
18 April 2024 12:31 PM GMTകാസര്കോട് മോക്പോളില് ബിജെപിക്ക് അധിക വോട്ട് കിട്ടിയിട്ടില്ല;...
18 April 2024 10:13 AM GMTലോക്സഭാ തിരഞ്ഞെടുപ്പ്; നാലാംഘട്ട വിജ്ഞാപനം പുറത്തിറക്കി തിരഞ്ഞെടുപ്പ് ...
18 April 2024 10:10 AM GMT