ബിടെക് സപ്ലിമെന്ററി പരീക്ഷകൾ ഓൺലൈനായി നടത്തണമെന്ന് മനുഷ്യാവകാശ കമ്മീഷൻ
കൊവിഡ് വ്യാപനത്തിന്റെ പശ്ചാത്തലത്തിൽ പരീക്ഷാ സെൻറുകളിൽ ചെന്ന് പരീക്ഷ എഴുതാനുള്ള പ്രായോഗിക ബുദ്ധിമുട്ടുകൾ ചൂണ്ടിക്കാണിച്ച് ഒരു കൂട്ടം വിദ്യാർത്ഥികൾ സമർപ്പിച്ച പരാതിയിലാണ് നടപടി.
തിരുവനന്തപുരം: ഈമാസം 9ന് ആരംഭിക്കുന്ന ബിടെക് സപ്ലിമെന്ററി പരീക്ഷകൾ ഓൺലൈനായി നടത്തണമെന്ന വിദ്യാർത്ഥികളുടെ ആവശ്യം അനുഭാവപൂർവം പരിഗണിക്കണമെന്ന് സംസ്ഥാന മനുഷ്യാവകാശ കമ്മീഷൻ. കേരള സാങ്കേതിക സർവകലാശാല രജിസ്ട്രാർക്കാണ് കമ്മീഷൻ ജുഡീഷ്യൽ അംഗം പി മോഹനദാസ് ഉത്തരവ് നൽകിയത്.
കൊവിഡ് വ്യാപനത്തിന്റെ പശ്ചാത്തലത്തിൽ പരീക്ഷാ സെൻറുകളിൽ ചെന്ന് പരീക്ഷ എഴുതാനുള്ള പ്രായോഗിക ബുദ്ധിമുട്ടുകൾ ചൂണ്ടിക്കാണിച്ച് ഒരു കൂട്ടം വിദ്യാർത്ഥികൾ സമർപ്പിച്ച പരാതിയിലാണ് നടപടി. പരീക്ഷാർത്ഥികളിൽ പലരും താമസിക്കുന്നത് കണ്ടയ്ൻമെന്റ് സോണുകളിലാണ്. അടുത്തുള്ള സെൻറർ തിരഞ്ഞടുക്കാൻ അവസരം ഉണ്ടെങ്കിലും പൊതുഗതാഗത സൗകര്യക്കളുടെ അപര്യാപ്തത കാരണം സെന്ററിൽ കൃത്യമായി എത്തുന്നത് എളുപ്പമല്ല. സാങ്കേതിക സർവകലാശാലയുടെ അവസാന സെമസ്റ്റർ പരീക്ഷകൾ ഓൺലൈനായാണ് നടത്തിയത്. ഇതേ മാതൃക സപ്ലിമെന്ററി പരീക്ഷകൾക്കും ബാധകമാക്കണമെന്നാണ് ആവശ്യം.
നടപടി സ്വീകരിച്ച ശേഷം 15 ദിവസത്തിനകം റിപ്പോർട്ട് സമർപ്പിക്കണമെന്ന് കമ്മീഷൻ ആവശ്യപ്പെട്ടു.
RELATED STORIES
പോക്സോ കേസ്: ഡല്ഹിയില്നിന്ന് പിടിയിലായ മലയാളി രക്ഷപ്പെട്ടു
19 May 2024 12:46 PM GMTബോചെ ടി ലോട്ടറിയല്ല; സര്ക്കാര് വാദം പൊള്ളയെന്ന് ബോബി ചെമ്മണൂര്
19 May 2024 10:33 AM GMTകാഫിര് സ്ക്രീന് ഷോട്ട്; പിന്നില് സിപിഎം ജില്ലാ സെക്രട്ടറി പി...
19 May 2024 9:36 AM GMTകാസര്കോട് കാറും സ്കൂട്ടറും കൂട്ടിയിടിച്ചു; ഭാര്യയും ഭര്ത്താവും...
19 May 2024 5:18 AM GMTപൂക്കോട് വെറ്ററിനറി കോളേജിലെ സിദ്ധാര്ത്ഥന്റെ മരണം; സസ്പെന്ഷന്...
19 May 2024 5:06 AM GMTവിമാനത്തില് തീ; ബെംഗളൂരു-കൊച്ചി എയര് ഇന്ത്യ എക്സ്പ്രസ് അടിയന്തരമായി...
19 May 2024 4:55 AM GMT