ബാബരി മസ്ജിദ് തകര്‍ത്ത കേസ്: കോടതി വിധി അപഹാസ്യമെന്ന് കെ പി എ മജീദ്

കോഴിക്കോട്: ബാബരി മസ്ജിദ് പൊളിച്ച കേസിലെ പ്രതികളെയെല്ലാം വെറുതെവിട്ട ലഖ്‌നോ സിബിഐ കോടതിയുടെ വിധി അപഹാസ്യമാണെന്ന് മുസ്‌ലിം ലീഗ് സംസ്ഥാന ജനറല്‍ സെക്രട്ടറി കെ പി എ മജീദ്.

ബാബരി മസ്ജിദ് പൊളിക്കാന്‍ വേണ്ടി രഥയാത്ര നടത്തുകയും കര്‍സേവ സംഘടിപ്പിക്കുകയും ചെയ്ത സംഘപരിവാറും പ്രതികളും ഗൂഢാലോചന നടത്തിയില്ലെന്ന വാദം യാഥാര്‍ഥ്യവുമായി പൊരുത്തപ്പെടുന്നതല്ല. ഇന്ത്യന്‍ ജുഡീഷ്യറിക്കുതന്നെ അപമാനമാണ് ഈ വിധിയെന്നും കെ പി എ മജീദ് പ്രതികരിച്ചു.