പെരിയാറില്‍ കൊലപ്പെടുത്തി കല്ലില്‍ കെട്ടി താഴ്ത്തിയ നിലയില്‍ കണ്ടെത്തിയ മൃതദേഹം സ്ത്രീയുടേത്

കൊച്ചി: ആലുവ പെരിയാറില്‍ കൊലപ്പെടുത്തി കല്ലില്‍ കെട്ടി താഴ്ത്തിയ നിലയില്‍ കണ്ടെത്തിയ മൃതദേഹം സ്ത്രീയുടേതെന്ന് കണ്ടെത്തി.മൃതദേഹത്തിന് നാലു ദിവസത്തെ പഴക്കമുള്ളതായിട്ടാണ് പ്രാഥമിക നിഗമനം. 30 നും 40 നും ഇടയില്‍ പ്രായം വുരമെന്നാണ് വിലയിരുത്തല്‍. കരിങ്കല്ലുമായി ചേര്‍ത്ത്് കെട്ടി പുതപ്പില്‍ പൊതിഞ്ഞു കെട്ടിയാണ് മൃതദേഹം താഴ്്ത്തിയിരുന്നത്.ആലുവ യു സി കോളജിനു സമീപം പെരിയാര്‍ തീരത്ത് ഇന്നലെ വൈകിട്ടോടെയാണ് മൃതദേഹം കണ്ടെത്തിയത്. ആലുവയക്കും സമീപ പ്രദേശത്തുനിന്നും കാണാതായ യുവതികളുടെ വിവരം സംബന്ധിച്ച് പോലീസ് പ്രാഥമി അന്വേഷണം നടത്തിയെങ്കിലും ആദ്യ ഘട്ടത്തില്‍ ഇത്തരം കാണാതാകല്‍ സംഭവം റിപോര്‍ട്ട് ചെയ്യപ്പെട്ടതായി കണ്ടെത്തിയി്ട്ടില്ല.മറ്റെവിടെ നിന്നെങ്കിലും മൃതദേഹം ഒഴുകിയെത്തിയതാണോയെന്നും സംശയിക്കുന്നുണ്ട്.ഇതേ തുടര്‍ന്ന് സമീപ പ്രദേശങ്ങളിലെ പോലീസ് സ്‌റ്റേഷനുകളിലും പോലീസം് വിവരം നല്‍കിയിട്ടുണ്ട്.