സപ്ലൈകോ മെഡിക്കല് സ്റ്റോറുകള് വഴി കൂടുതല് ഉല്പന്നങ്ങള് ലഭ്യമാക്കുന്നത് പരിഗണനയിലെന്ന് മന്ത്രി ജി ആര് അനില്
സപ്ലൈകോ മെഡിക്കല് സ്റ്റോറുകളില് ഇന്സുലിന് 20 മുതല് 24 ശതമാനം വരെ വിലക്കിഴിവുണ്ട്. മരുന്നുകള്ക്ക് 13 ശതമാനം മുതല് 50 ശതമാനം വരെയാണ് വില കുറച്ചു നല്കുന്നത്. ബിപിഎല് വിഭാഗക്കാര്ക്ക് എല്ലാ മരുന്നുകള്ക്കും 25 ശതമാനം വിലക്കിഴിവുണ്ട്
ആലപ്പുഴ: മരുന്നിനു പുറമെ സര്ജിക്കല് ഉപകരണങ്ങളും ആരോഗ്യ രംഗത്തെ മറ്റ് ഉല്പന്നങ്ങളും സപ്ലൈകോ മെഡിക്കല് സ്റ്റോറുകളിലൂടെ ലഭ്യമാക്കുന്നത് പരിഗണനയിലാണെന്ന് പൊതുവിതരണ വകുപ്പ് മന്ത്രി ജി ആര് അനില് പറഞ്ഞു. എടത്വയിലെ നവീകരിച്ച സപ്ലൈകോ മെഡിക്കല് സ്റ്റോറിന്റെ ഉദ്ഘാടനം കൊച്ചി ഗാന്ധിനഗറിലെ സപ്ലൈകോ ആസ്ഥനത്തുനിന്നും ഓണ്ലനില് നിര്വഹിക്കുകയായിരുന്നു അദ്ദേഹം.
നിലവില് നൂറോളം മെഡിക്കല് സ്റ്റോറുകള് കോര്പ്പറേഷനു കീഴില് മെച്ചപ്പെട്ട നിലയില് പ്രവര്ത്തിക്കുന്നു. ഇതുവഴി ഏഴു കോടിയിലധികം രൂപയുടെ വില്പന ഇതുവരെ നടത്താനായി. സര്ക്കാരിന്റെ 100 ഇന പരിപാടിയില് നവീകരിച്ചവ ഉള്പ്പെടെ കൂടുതല് മെഡിക്കല് സ്റ്റോറുകള് ഉദ്ഘാടനത്തിന് സജ്ജമായിട്ടുണ്ട്.
സപ്ലൈകോ മെഡിക്കല് സ്റ്റോറുകളില് ഇന്സുലിന് 20 മുതല് 24 ശതമാനം വരെ വിലക്കിഴിവുണ്ട്. മരുന്നുകള്ക്ക് 13 ശതമാനം മുതല് 50 ശതമാനം വരെയാണ് വില കുറച്ചു നല്കുന്നത്. ബിപിഎല് വിഭാഗക്കാര്ക്ക് എല്ലാ മരുന്നുകള്ക്കും 25 ശതമാനം വിലക്കിഴിവുണ്ട്. സാധാരണ ജനങ്ങള്ക്ക് ആശ്വാസം പകരുന്ന സപ്ലൈ കോ മെഡിക്കല് സ്റ്റോറുകള് വഴി കൂടുതല് മെച്ചപ്പെട്ട സേവനങ്ങള് ലഭ്യമാക്കി വരികയാണെന്നും മന്ത്രി പറഞ്ഞു. തോമസ് കെ തോമസ് എംഎല്എ അധ്യക്ഷത വഹിച്ചു. കൊടിക്കുന്നില് സുരേഷ് എംപി മുഖ്യപ്രഭാഷണം നടത്തി.
മഹാരാഷ്ട്രയില് ബഹുനില കെട്ടിടം തകര്ന്ന് എട്ടുമരണം; 25 പേരെ...
21 Sep 2020 2:40 AM GMTമലയാറ്റൂരില് പാറമടയില് പൊട്ടിത്തെറി; രണ്ട് അന്തര്സംസ്ഥാന...
21 Sep 2020 2:18 AM GMTകോഴിക്കോട് നാദാപുരത്ത് പുഴയില് കുളിക്കാനിറങ്ങിയ യുവാവ്...
21 Sep 2020 2:00 AM GMTസംസ്ഥാനത്തെ റേഷന്കടകള്ക്ക് ഇന്ന് അവധി
21 Sep 2020 1:36 AM GMTസംസ്ഥാനത്ത് ഇന്നും അതിതീവ്ര മഴ; പത്ത് ജില്ലകളില് ഓറഞ്ച് അലര്ട്ട്,...
21 Sep 2020 1:24 AM GMTരണ്ട് പുതിയ കണ്ടെയ്ന്മെന്റ് സോണുകള്; കോട്ടയം ജില്ലയില് ആകെ 32...
21 Sep 2020 12:50 AM GMT
