പ്രായപൂര്‍ത്തിയാവാത്ത ദലിത് പെണ്‍കുട്ടിയെ പീഡിപ്പിച്ച പ്രതി പിടിയില്‍

കോട്ടയം: പട്ടികജാതി വിഭാഗത്തില്‍പെട്ട പ്രായപൂര്‍ത്തിയാവാത്ത പെണ്‍കുട്ടിയെ പീഡിപ്പിച്ച കേസില്‍ യുവാവിനെ പോലിസ് അറസ്റ്റുചെയ്തു. എരുമേലി ഒഴാക്കനാട് സ്വദേശി ആഷിക് (20) നെയാണ് കാഞ്ഞിരപ്പിള്ളി ഡിവൈഎസ്പിയുടെ നേതൃത്വത്തിലുള്ള സംഘം പിടികൂടിയത്. ഇയാള്‍ക്കെതിരേ പോക്‌സോ നിയമപ്രകാരവും എസ്‌സി/എസ്ടി നിയമപ്രകാരവും കേസ് രജിസ്റ്റര്‍ചെയ്തു. പലതവണ പ്രതിയുടെ വീട്ടില്‍വച്ചും ഒഴക്കനാട് ഭാഗത്തുള്ള ആറ്റുതീരത്തുവച്ചും കുട്ടിയെ പീഡിപ്പിച്ചെന്നാണ് പോലിസ് കേസ്.