50 രൂപയുടെ വ്യാജ നോട്ടുമായി യുവാവു പിടിയില്‍

ചെങ്ങന്നൂര്‍: 50 രൂപയുടെ വ്യാജ നോട്ടുമായി യുവാവ്‌ പിടിയില്‍ .ചെങ്ങന്നൂര്‍ പുത്തന്‍കാവ് പള്ളത്ത്മലയില്‍ വീട്ടില്‍സുനില്‍ ചെറിയാന്‍ (ഇക്രു-37 )ആണ് 50 രൂപയുടെ അഞ്ച് വ്യാജനോട്ടുകളുമായി ചെങ്ങന്നൂര്‍ പോലിസ് പിടി കൂടിയത്.രണ്ടു മാസം മുമ്പ് ഗവ. ഐടിഐ ജങ്ഷനു സമീപത്തെ ചെങ്ങന്നൂര്‍ ബിവറേജസ് ഔട്ട്‌ലെറ്റില്‍ വ്യാജനോട്ട് ലഭിച്ചതിനെ തുടര്‍ന്ന് ജീവനക്കാര്‍ ചെങ്ങന്നൂര്‍ പോലിസില്‍ പരാതി നല്‍കിയിരുന്നു. ഇതേത്തുടര്‍ന്ന് പോലിസ് ഔട്ട്‌ലെറ്റിലും സമീപത്തെ കടകളിലും നിരീക്ഷണം ഏര്‍പ്പെടുത്തിയിരുന്നു. കഴിഞ്ഞ ദിവസം സ്‌പെഷ്യല്‍ ബ്രാഞ്ച് സിപിഒ രാജേഷിനു ലഭിച്ച രഹസ്യ വിവരത്തെ തുടര്‍ന്ന് ചൊവ്വാഴ്ച വൈകീട്ട് 5ഓടെ സിഐ ജി സന്തോഷ് കുമാറിന്റെ നേതൃത്വത്തിലുള്ള പോലിസ് സംഘം ഇയാളെ ഐടിഐ ജങ്്ഷനു സമീപത്തു നിന്നു പിടികൂടുകയായിരുന്നു. ഇയാളുടെ കൈയില്‍ നിന്നു നോട്ടുകളും കണ്ടെടുത്തു. സംഭവത്തില്‍ കൂടുതല്‍ പേരുടെ പങ്കാളിത്തം പോലിസ് അന്വേഷിക്കുന്നുണ്ട്. പ്രതിയെ റിമാന്‍ഡ് ചെയ്തു. എസ്‌ഐമാരായ എസ് വി ബിജു, വി പ്രകാശ്, സിപിഒമാരായ പി ദിനേശ് ബാബു, എസ് ബാലകൃഷ്ണന്‍, അതുല്‍ എന്നിവരും പോലിസ് സംഘത്തില്‍ ഉണ്ടായിരുന്നു.