റെയില്വേ സ്റ്റേഷനില് നിന്ന് 45 ലക്ഷത്തിന്റെ കുഴല്പ്പണം പിടിച്ചെടുത്തു
ബംഗളൂരു എക്സ്പ്രസിലേക്ക് പോകാന് വന്ന യാത്രക്കാരാനായ ഗംഗരാജുവില് നിന്നാണ് പണം പിടികൂടിയത്.
തിരുവനന്തപുരം: തിരുവനന്തപുരം റെയില്വേ സ്റ്റേഷനില് നിന്ന് വന്തോതില് കുഴല്പ്പണം പിടിച്ചെടുത്തു. ബംഗളൂരുവിലേക്ക് കടത്താന് ശ്രമിച്ച 45 ലക്ഷം രൂപയുടെ കുഴല്പ്പണമാണ് റെയില്വേ പോലിസ് പിടികൂടിയത്.
ബംഗളൂരു എക്സ്പ്രസിലേക്ക് പോകാന് വന്ന യാത്രക്കാരാനായ ഗംഗരാജുവില് നിന്നാണ് പണം പിടികൂടിയത്. സംശയം തോന്നിയ യാത്രക്കാരുടെ ബാഗുകളില് പോലിസ് പരിശോധന നടത്തുന്നതിനിടെയാണ് ഒരു ഭാഗത്തേക്ക് മാറി നില്ക്കുന്ന ഗംഗരാജുവിനെ ശ്രദ്ധിച്ചത്. ബാഗ് പരിശോധിച്ചപ്പോള് ലഭിച്ചത് അഞ്ഞൂറിന്റെയും രണ്ടായിരത്തിന്റെയും നോട്ടുകളായിരുന്നു.
കഴിഞ്ഞ ദിവസമാണ് ഗംഗരാജു തലസ്ഥാനത്ത് വന്നത്. ഒരു ലോഡ്ജിലാണ് താമസിച്ചത്. എന്നാല് പണം കൈമാറിയ ആളെക്കുറിച്ച് വ്യക്തമായ വിവരങ്ങള് ഇയാള് നല്കിയിട്ടില്ലെന്ന് പോലിസ് പറഞ്ഞു. കന്നഡ മാത്രമറിയാവുന്ന ഗംഗനെ ദ്വിഭാഷിയുടെ സഹായത്തോടെ ചോദ്യം ചെയ്താല് മാത്രമേ കൂടുതല് വിവരങ്ങള് ലഭിക്കുകയുള്ളൂവെന്ന് റെയില്വേ പോലിസ് പറഞ്ഞു.
RELATED STORIES
ബ്ലാസ്റ്റേഴ്സില് ഇവാന് വുകോമനോവിച്ച് യുഗം അവസാനിച്ചു
26 April 2024 2:53 PM GMTപലയിടത്തും രാത്രിയിലും നീണ്ടനിര; പോളിങ് ശതമാനം 70.03 പിന്നിട്ടു
26 April 2024 2:48 PM GMTകല്പറ്റയില് പിക്കപ്പിലേക്ക് ലോറി ഇടിച്ചുകയറി യുവാവ് മരിച്ചു
26 April 2024 2:25 PM GMTനീറ്റ് പരീക്ഷ മാര്ഗ നിര്ദേശക ക്ലാസ് 29ന്
26 April 2024 12:45 PM GMTസംസ്ഥാനത്ത് പലയിടത്തും വോട്ടിങ് മന്ദഗതിയിലെന്ന് ആക്ഷേപം; പോളിങ്...
26 April 2024 12:36 PM GMTവോട്ട് ചെയ്യുക എന്നത് ഓരോ പൗരന്റെയും അവകാശവും കടമയുമാണെന്ന് നടന്...
26 April 2024 11:33 AM GMT