അറ്റകുറ്റപ്പണി: ട്രെയിനുകള്ക്ക് ഇന്നു മുതല് 11 വരെ നിയന്ത്രണം
അറ്റകുറ്റപ്പണി നടക്കുന്നത് രാത്രിസമയങ്ങളിലായതിനാല് പകല് സര്വീസുകളെ നിയന്ത്രണം ബാധിക്കില്ലെന്നു റെയില്വേ അധികൃതര് അറിയിച്ചു.
തിരുവനന്തപുരം: പെരിനാട് റെയില്വേ സ്റ്റേഷന് പരിധിയില് ട്രാക്കില് അറ്റകുറ്റപ്പണി നടക്കുന്നതിനാല് ഇന്നു മുതല് 11 വരെ വിവിധ ട്രെയിനുകള്ക്കു നിയന്ത്രണം ഏര്പ്പെടുത്തി. അറ്റകുറ്റപ്പണി നടക്കുന്നത് രാത്രിസമയങ്ങളിലായതിനാല് പകല് സര്വീസുകളെ നിയന്ത്രണം ബാധിക്കില്ലെന്നു റെയില്വേ അധികൃതര് അറിയിച്ചു. കൊല്ലം- ആലപ്പുഴ പാസഞ്ചര് 6, 7, 9, 11 തിയ്യതികളിലും ആലപ്പുഴ- കൊല്ലം പാസഞ്ചര് 5,6,8,10 തിയ്യതികളിലും പൂര്ണമായി റദ്ദാക്കി. ആലപ്പുഴ വഴി സര്വീസ് നടത്തുന്ന എറണാകുളം- കൊല്ലം മെമു, കോട്ടയം വഴി പോവുന്ന എറണാകുളം- കൊല്ലം പാസഞ്ചര് എന്നിവ ഇന്നും നാളെയും കായംകുളത്തു സര്വീസ് അവസാനിപ്പിക്കും.
ആലപ്പുഴ വഴി പോവുന്ന കൊല്ലം- എറണാകുളം മെമു, കൊല്ലം- കോട്ടയം പാസഞ്ചര് എന്നിവ നാളെയും 5നും കായംകുളത്തു സര്വീസ് അവസാനിപ്പിക്കും. ഇന്ന് നിയന്ത്രണമേര്പ്പെടുത്തിയിട്ടുള്ള ട്രെയ്നുകള്: രാത്രി 8.30നു പുറപ്പെടേണ്ട തിരുവനന്തപുരം- മംഗളൂരു എക്സ്പ്രസ് 9.30നും രാത്രി 10നു പുറപ്പെടേണ്ട തിരുവനന്തപുരം- മധുര അമൃത എക്സ്പ്രസ് 11നുമായിരിക്കും സര്വീസ് ആരംഭിക്കുക. രാത്രി 9.20നു പുറപ്പെടേണ്ട കൊച്ചുവേളി- മംഗളൂരു അന്ത്യോദയ എക്സ്പ്രസ് 10.20നു യാത്ര തുടങ്ങും. പാലക്കാട്- തിരുനെല്വേലി എക്സ്പ്രസിനു കായംകുളത്തിനും ശാസ്താംകോട്ടയ്ക്കുമിടയില് 2 മണിക്കൂര് 40 മിനിറ്റ് നിയന്ത്രണമേര്പ്പെടുത്തും.
ചെന്നൈ എഗ്മോര്- ഗുരുവായൂര്, പാലക്കാട്- തിരുനെല്വേലി, തിരുവനന്തപുരം- മധുര അമൃത, കൊല്ലം- ഹൈദരാബാദ്, ഹൈദരാബാദ്- കൊല്ലം സ്പെഷ്യല്, മംഗളുരൂ- തിരുവനന്തപുരം, കന്യാകുമാരി- ദിബ്രുഗഡ വിവേക്, കൊച്ചുവേളി- ലോക്മാന്യതിലക്, തിരുവനന്തപുരം- ഹസ്രത് നിസാമുദീന്, ഗംഗാനഗര്- കൊച്ചുവേളി, വെരാവല്- തിരുവനന്തപുരം, മുംബൈ സിഎസ്ടി- തിരുവനന്തപുരം ട്രെയ്നുകള്ക്ക് നാളെ മുതല് 11 വരെ 15 മിനിറ്റ് മുതല് 3 മണിക്കൂര് വരെ ഈ മേഖലയില് നിയന്ത്രണം ഏര്പ്പെടുത്തിയിട്ടുണ്ടെന്ന് റെയില്വേ അറിയിച്ചു. അഞ്ചിന് വൈകീട്ട് 3ന് കൊല്ലം ജങ്ഷനില്നിന്ന് പുറപ്പെടേണ്ട കൊല്ലം- ഹൈദരാബാദ് സ്പെഷ്യല് ട്രെയിന് രണ്ടര മണിക്കൂര് വൈകിയായിരിക്കും പുറപ്പെടുക. രാത്രി 10ന് പുറപ്പെടേണ്ട തിരുവനന്തപുരം- മധുര അമൃത എക്സ്പ്രസ്സിന് രണ്ടുമണിക്കൂര് വൈകിയായിരിക്കും പുറപ്പെടുക.
RELATED STORIES
രാഹുല് പറഞ്ഞത് മുഖ്യമന്ത്രിയെ അറസ്റ്റ് ചെയ്യണമെന്ന...
19 April 2024 3:00 PM GMTഒന്നാംഘട്ടം 60.03 ശതമാനം പോളിങ്; ത്രിപുരയും ബംഗാളും മുന്നില്
19 April 2024 2:44 PM GMTയുദ്ധഭീതി; ഇസ്രായേലിലേക്കുള്ള വിമാന സര്വീസുകള് നിര്ത്തിവച്ച് എയര്...
19 April 2024 2:14 PM GMTഇസ്രായേലിന്റെ ആണവനിലയങ്ങള് അത്യാധുനിക ആയുധങ്ങളാല് തകര്ക്കുമെന്ന്...
19 April 2024 1:15 PM GMTമഹാരാഷ്ട്രയിൽ സ്വതന്ത്രനായി മത്സരിക്കാൻ പത്രിക നൽകി 'യമരാജൻ'
19 April 2024 10:50 AM GMTജോലിക്കിടയില് കാണാതായ ആലുവ ഹെഡ് പോസ്റ്റ് ഓഫിസ് ജീവനക്കാരനെ...
19 April 2024 10:49 AM GMT