കൊല്ലത്ത് വന്‍ തീപ്പിടിത്തം; കയര്‍ ഫാക്ടറിയും വാഹനവും കത്തിനശിച്ചു

കൊല്ലം: ഓച്ചിറയില്‍ വന്‍ തീപ്പിടിത്തം. കയര്‍ വ്യവസായി ആലുംപീടികയില്‍ രാജന്റെ ഉടമസ്ഥതയിലുള്ള ഓച്ചിറ നിവാസ് കയര്‍ ഫാക്ടറിയിയിലാണ് തീപ്പിടിത്തമുണ്ടായത്. അപകടത്തില്‍ കയര്‍ ഫാക്ടറിയും സമീപത്ത് ലോഡ് കയറ്റിയിട്ടിരുന്ന വാഹനവും പൂര്‍ണമായും കത്തിനശിച്ചു.

വ്യാഴാഴ്ച അര്‍ധ രാത്രിയോടെയായിരുന്നു സംഭവം. അമ്പതുലക്ഷം രൂപയുടെ നഷ്ടമുണ്ടായതായാണ് പ്രാഥമിക നിഗമനം. കായംകുളം, ഓച്ചിറ നിലയങ്ങളിലെ അഗ്‌നിശമന സേനകളുടെ നേതൃത്വത്തില്‍ അഞ്ചുമണിക്കൂര്‍ നീണ്ട പരിശ്രമത്തിനോടുവിലാണ് തീയണച്ചത്. അരക്കോടിയിലേറെ രൂപയുടെ നാശനഷ്ടമുള്ളതായാണ് പ്രാഥമിക വിലയിരുത്തല്‍. അപകടകാരണം വ്യക്തമല്ല.