പാഞ്ഞുവരുന്ന ട്രെയിനിന് മുന്നില് ചാടി യുവതി; സാഹസികമായി രക്ഷപ്പെടുത്തി സുരക്ഷാ ഉദ്യോഗസ്ഥന്
ന്യൂഡല്ഹി: പാഞ്ഞുവരുന്ന ട്രെയിനിനു മുന്നില് ചാടിയ യുവതിയെ സുരക്ഷാ ഉദ്യോഗസ്ഥന് സാഹസികമായി രക്ഷപ്പെടുത്തി. ഡല്ഹി ബ്ലൂ ലൈനിലെ ജനക്പുരി വെസ്റ്റ് മെട്രോ സ്റ്റേഷനിലാണ് സംഭവം. പാലം സ്വദേശിയായ 21കാരിയാണ് ട്രെയിനിനു മുന്നില് ചാടി ആത്മഹത്യയ്ക്ക് ശ്രമിച്ചത്. ഇവിടെയുണ്ടായിരുന്ന സിഐഎസ്എഫ് ഉദ്യോഗസ്ഥനാണ് ഇവരെ രക്ഷപ്പെടുത്തിയത്. യുവതി ചാടുന്നത് ശ്രദ്ധയില്പ്പെട്ട ഡ്രൈവര് എമര്ജന്സി ബ്രേക്ക് പ്രയോഗിക്കുകയായിരുന്നു. രക്ഷപ്പെടുത്തിയ ഇവരെ ഉടന്തന്നെ ജനക്പുരിയിലെ മാതാ ചാനന് ദേവി ആശുപത്രിയില് പ്രവേശിപ്പിച്ചു.
യുവതിയുടെ ആരോഗ്യനില തൃപ്തികരമാണ്. യുവതിയെ രക്ഷപ്പെടുത്തുന്നതിന്റെ വീഡിയോ സോഷ്യല് മീഡിയയില് വ്യാപകമായി പ്രചരിക്കുന്നുണ്ട്. സിഐഎസ്എഫിന്റെ ദ്രുതപ്രതികരണസംഘം സംഭവം നടക്കുമ്പോള് പ്ലാറ്റ്ഫോം നമ്പര് 2ല് പതിവ് പരിശോധനകള് നടത്തുകയായിരുന്നു. അതിനിടയിലാണ് ട്രെയിനിന് മുന്നില് യുവതി ചാടിയതും രക്ഷപ്പെടുത്തിയതുമെന്ന് ഉദ്യോഗസ്ഥന് പറഞ്ഞു. സബ് ഇന്സ്പെക്ടര് പ്രഹ്ലാദ് സിങ് ദേവേന്ദ, കോണ്സ്റ്റബിള്മാരായ രജീന്ദര്കുമാര്, നബ കിഷോര് നായക്, കുശാല് പഥക് എന്നിവരടങ്ങുന്ന സിഐഎസ്എഫ് സംഘമാണ് സ്ഥലത്തുണ്ടായിരുന്നത്- ഉദ്യോഗസ്ഥന് പറഞ്ഞു.
RELATED STORIES
എന്ഡ് ടു എന്ഡ് എന്ക്രിപ്ഷന് എടുത്തുമാറ്റാന് ആവശ്യപ്പെട്ടാല്...
26 April 2024 3:10 PM GMTകേരളത്തില് കള്ളവോട്ട് പരാതി വ്യാപകം; പത്തനംതിട്ട മണ്ഡലത്തില് ഏഴ്...
26 April 2024 3:01 PM GMTപലയിടത്തും രാത്രിയിലും നീണ്ടനിര; പോളിങ് ശതമാനം 70.03 പിന്നിട്ടു
26 April 2024 2:48 PM GMTകല്പറ്റയില് പിക്കപ്പിലേക്ക് ലോറി ഇടിച്ചുകയറി യുവാവ് മരിച്ചു
26 April 2024 2:25 PM GMTനീറ്റ് പരീക്ഷ മാര്ഗ നിര്ദേശക ക്ലാസ് 29ന്
26 April 2024 12:45 PM GMTവോട്ട് ചെയ്യുക എന്നത് ഓരോ പൗരന്റെയും അവകാശവും കടമയുമാണെന്ന് നടന്...
26 April 2024 11:33 AM GMT