India

ഗുരുഗ്രാമില്‍ നിര്‍മാണത്തിലിരുന്ന മേല്‍പ്പാലം തകര്‍ന്ന് വീണു; മൂന്നുപേര്‍ക്ക് പരിക്ക്

ഗുരുഗ്രാമില്‍ നിര്‍മാണത്തിലിരുന്ന മേല്‍പ്പാലം തകര്‍ന്ന് വീണു; മൂന്നുപേര്‍ക്ക് പരിക്ക്
X

ചണ്ഡിഗഢ്: ഹരിയാനയിലെ ഗുരുഗ്രാമില്‍ നിര്‍മാണത്തിലിരുന്ന മേല്‍പ്പാലം തകര്‍ന്ന് വീണ് മൂന്നുപേര്‍ക്ക് പരിക്കേറ്റു. ഗുര്‍ഗാവ് ദ്വാരക എക്‌സ്പ്രസ്‌വേയില്‍ ദൗലാതാബാദിന് സമീപമാണ് മേല്‍പ്പാലം തകര്‍ന്നത്. ഇവിടെ ജോലിചെയ്തിരുന്ന മൂന്ന് തൊഴിലാളികള്‍ക്കാണ് പരിക്കേറ്റത്. ഇവരെ ഉടന്‍തന്നെ അടുത്തുള്ള സ്വകാര്യാശുപത്രിയിലേക്കു മാറ്റി. ഇവരുടെ പരിക്ക് ഗുരുതരമല്ല. ഞായറാഴ്ച രാവിലെ 7.30 ഓടെയാണ് മേല്‍പ്പാലം തകര്‍ന്നത്.

മേല്‍പ്പാലത്തിന്റെ ഒരുഭാഗമാണ് തകര്‍ന്നുവീണത്. അപകട സമയത്ത് എട്ടുപേര്‍ സ്ഥലത്തുണ്ടായിരുന്നു. അഗ്‌നിശമന സേനയെത്തിയാണ് രക്ഷാപ്രവര്‍ത്തനം നടത്തിയത്. പാലം തകരാനുണ്ടായ കാരണം വ്യക്തമല്ല. ഇക്കാര്യത്തില്‍ അന്വേഷണം നടത്തും. ഇതുവരെ ലഭ്യമായ വിവരമനുസരിച്ച് മരണമൊന്നും സംഭവിച്ചിട്ടില്ല. അപകടസമയത്ത് ഇവിടെ പ്രവൃത്തികളൊന്നും നടന്നിരുന്നില്ല- എക്‌സ്പ്രസ് ഹൈവേയുടെ പ്രോജക്ട് ഡയറക്ടര്‍ നിര്‍മാന്‍ ജംബുല്‍ക്കര്‍ പറഞ്ഞു.

Next Story

RELATED STORIES

Share it