വെടിയുതിര്‍ത്ത് വിവാഹാഘോഷം; രണ്ടുപേര്‍ അറസ്റ്റില്‍

ന്യൂഡല്‍ഹി: വിവാഹച്ചടങ്ങിനിടെ വെടിയുതിര്‍ത്ത് ആഘോഷിച്ച രണ്ടുപേരെ പോലിസ് അറസ്റ്റ് ചെയ്തു. സല്‍മാന്‍(21), ഷവാജ് മാലിക്(18) എന്നിവരെയാണ് നാടന്‍തോക്ക് ഉപയോഗിച്ച് വെടിയുതിര്‍ത്തതിനു അറസ്റ്റ് ചെയ്തത്. ഒക്ടോബര്‍ ഏഴിനു കര്‍ദാംപുരിയില്‍ നടന്ന ശുഹൈബ് മാലികിന്റെ വിവാഹത്തിനിടെയാണു വെടിയുതിര്‍ത്തത്. ഇരുവര്‍ക്കുമെതിരേ ആയുധ നിരോധന നിയമത്തിലെ സെക്്ഷന്‍ 27, ഐപിസി 336 വകുപ്പുകള്‍ ചുമത്തി. സംഭവത്തിന്റെ ദൃശ്യം സാമൂഹിക മാധ്യമങ്ങളിലൂടെ വ്യാപകമായി പ്രചരിച്ചതോടെ ജ്യോതി നഗര്‍ പോലിസ് അന്വേഷണം നടത്തുകയും വിവാഹം പ്രതികളെ അതിവേഗം പിടികൂടുകയുമായിരുന്നു. നാടന്‍ തോക്ക് എവിടെനിന്നാണ് ലഭിച്ചത് എന്നതു സംബന്ധിച്ചും പോലിസ് അന്വേഷിക്കുന്നുണ്ട്.