കോയമ്പത്തൂരില്‍ സൂര്യാഘാതമേറ്റ് 15കാരന്‍ മരിച്ചു

കോയമ്പത്തൂര്‍: തമിഴ്‌നാട്ടില്‍ കളിച്ചുകൊണ്ടിരിക്കെ സൂര്യാഘാതമേറ്റ് 15കാരന്‍ മരിച്ചു. പൊള്ളാച്ചി സ്വദേശിയായ 15കാരന്‍ ചെട്ടിപ്പാളയത്ത് മുത്തച്ഛന്റെ വീടിനു മുന്നില്‍ കളിച്ചുകൊണ്ടിരിക്കെ പൊടുന്നനെ കുഴഞ്ഞുവീഴുകയായിരുന്നു. മുത്തച്ഛനും അയല്‍വാസികളും ഓടിയെത്തി ഉടന്‍ സമീപത്തെ സര്‍ക്കാര്‍ ആശുപത്രിയിലെത്തിച്ചെങ്കിലും മരണപ്പെട്ടിരുന്നു. മരണത്തിന്റെ യഥാര്‍ഥ കാരണമെന്താണെന്നു സംബന്ധിച്ച് അന്വേഷണം തുടരുകയാണ്.