ഗുസ്തി താരങ്ങളുടെ സമരം; ബ്രിജ് ഭൂഷണെതിരെ തെളിവില്ല; പ്രതിയെ ന്യായീകരിച്ച് ഡല്ഹി പോലിസ്
വിഷയത്തില് അന്താരാഷ്ട്ര ഒളിംപിക് കമ്മിറ്റി ഇടപെടുന്നുണ്ട്.
ഡല്ഹി: ലൈംഗീകാതിക്രമ കേസില് ഗുസ്തി ഫെഡറേഷന് അധ്യക്ഷനും ബിജെപി എംപിയുമായ ബ്രിജ് ഭൂഷണ് സിംഗിനെതിരെ തെളിവ് ലഭിച്ചിട്ടില്ലെന്ന് ഡല്ഹി പോലിസ്. തെളിവ് ലഭിക്കാതെ ഇദ്ദേഹത്തെ അറസ്റ്റ് ചെയ്യാനാവില്ലെന്നും ഡല്ഹി പോലിസ് അറിയിച്ചു. ബ്രിജ് ഭൂഷന് തെളിവ് നശിപ്പിക്കാനോ പരാതിക്കാരെ സ്വാധീനിക്കാനോ ശ്രമിച്ചിട്ടില്ല. കേസില് 15 ദിവസത്തിനുള്ളില് കോടതിയില് റിപ്പോര്ട്ട് സമര്പ്പിക്കുമെന്നും പോലിസ് വ്യക്തമാക്കി. കേസില് ശക്തമായ സമരവുമായി മുന്നോട്ട് പോകാന് ഗുസ്തി താരങ്ങളും ഇവരെ പിന്തുണക്കുന്ന കര്ഷക സംഘടനകളും തീരുമാനിച്ചിരുന്നു.
അതിനിടെ ഗുസ്തി താരങ്ങള് വീണ്ടും സമരം പ്രഖ്യാപിച്ച പശ്ചാത്തലത്തില് ഡല്ഹിയില് ഇന്ത്യാ ഗേറ്റിന് സമീപം കേന്ദ്രസേനയെ വിന്യസിച്ചിട്ടുണ്ട്. ഗുസ്തി താരങ്ങള് ഇവിടെ നിരാഹാര സമരം നടത്തുമെന്ന് പ്രഖ്യാപിച്ചതിനെ തുടര്ന്നാണ് നടപടി. ഹരിദ്വാറില് ഗംഗയില് മെഡലുകളൊഴുക്കി ഇന്ത്യാ ഗേറ്റില് നിരാഹാരമിരിക്കുമെന്നാണ് ഗുസ്തി താരങ്ങള് ഇന്നലെ പ്രഖ്യാപിച്ചത്. കര്ഷക നേതാക്കള് ഇടപെട്ട് താരങ്ങളെ പിന്തിരിപ്പിച്ചിരുന്നു. അഞ്ച് ദിവസത്തേക്ക് കടുത്ത നിലപാട് എടുക്കരുതെന്ന നേതാക്കളുടെ ആവശ്യം പരിഗണിച്ചാണ് ഗുസ്തി താരങ്ങള് പിന്മാറിയത്.
വിഷയത്തില് അന്താരാഷ്ട്ര ഒളിംപിക് കമ്മിറ്റി ഇടപെടുന്നുണ്ട്. താരങ്ങളോടുള്ള സമീപനം അസ്വസ്ഥതയുണ്ടാക്കുന്നതാണെന്നും പക്ഷപാതരഹിതമായ അന്വേഷണം വേണമെന്നും ഇന്റര്നാഷണല് ഒളിംപിക് കമ്മിറ്റി ആവശ്യപ്പെട്ടു. ഗുസ്തി താരങ്ങളുമായി അന്താരാഷ്ട്ര ഒളിംപിക് കമ്മറ്റി പ്രതിനിധികള് ഉടന് ചര്ച്ച നടത്തും. സമരത്തിന്റെ ഭാവി പരിപാടികള് തീരുമാനിക്കാന് ഇന്ന് ഉത്തര്പ്രദേശിലെ മുസഫര് നഗറില് ഖാപ് പഞ്ചായത്ത് യോഗം ചേരാനും തീരുമാനിച്ചിട്ടുണ്ട്.
RELATED STORIES
ലോക്സഭാ തിരഞ്ഞെടുപ്പ്; ഒന്നാംഘട്ട വോട്ടെടുപ്പ് തുടങ്ങി
19 April 2024 5:48 AM GMTബിജെപിക്ക് വോട്ട് ചെയ്തില്ലെങ്കില് വീട്ടില് ബുള്ഡോസര് എത്തും;...
18 April 2024 5:28 PM GMTവീണ്ടും ഇഡി ; ആം ആദ്മി എംഎല്എ അമാനത്തുള്ള ഖാന് അറസ്റ്റില്
18 April 2024 5:07 PM GMTപ്രമേഹം കൂട്ടി ജാമ്യം ലഭിക്കാൻ കെജ്രിവാൾ ജയിലിൽ മാങ്ങയും മധുരവും...
18 April 2024 12:34 PM GMTതെലങ്കാനയില് സ്കൂളിന് നേരെ ഹിന്ദുത്വ സംഘടനകളുടെ ആക്രമണം; മലയാളി...
18 April 2024 10:30 AM GMTകാസര്കോട് മോക്പോളില് ബിജെപിക്ക് അധിക വോട്ട് കിട്ടിയിട്ടില്ല;...
18 April 2024 10:13 AM GMT