വിവാദ പ്രസംഗം: ഡിഎംകെ അധ്യക്ഷന് എം കെ സ്റ്റാലിനെതിരേ മാനനഷ്ടക്കേസ്
എഐഎഡിഎംകെയുടെ അഭിഭാഷകന് ടി രാമചന്ദ്രന് നല്കിയ പരാതിയുടെ അടിസ്ഥാനത്തില് കോയമ്പത്തൂര് തൊണ്ടമുത്തൂര് പോലിസാണ് സ്റ്റാലിനെതിരേ കേസെടുത്തത്.
കോയമ്പത്തൂര്: വിവാദപ്രസംഗത്തിന്റെ പേരില് ഡിഎംകെ അധ്യക്ഷന് എം കെ സ്റ്റാലിനെതിരേ മാനനഷ്ടക്കേസ് രജിസ്റ്റര് ചെയ്തു. എഐഎഡിഎംകെയുടെ അഭിഭാഷകന് ടി രാമചന്ദ്രന് നല്കിയ പരാതിയുടെ അടിസ്ഥാനത്തില് കോയമ്പത്തൂര് തൊണ്ടമുത്തൂര് പോലിസാണ് സ്റ്റാലിനെതിരേ കേസെടുത്തത്. കോയമ്പത്തൂരില് ഡിഎംകെയുടെ തിരഞ്ഞെടുപ്പ് റാലിക്കിടെ തമിഴ്നാട് നഗരകാര്യ മന്ത്രിയും എഐഎഡിഎംകെ നേതാവുമായ എസ് പി വേലുമണിയ്ക്കെതിരേ നടത്തിയ പ്രസംഗത്തിന്റെ പേരിലാണ് വിവിധ വകുപ്പുകള് ചുമത്തി കേസെടുത്തിരിക്കുന്നത്.
റാലിക്കിടെ വേലുമണിക്കെതിരേ ഗുരുതരമായ ആരോപണങ്ങളാണ് സ്റ്റാലിന് ഉന്നയിച്ചിരുന്നത്. തമിഴ്നാട്ടിലെ അഴിമതിക്കാരായ രാഷ്ട്രീയ നേതാക്കളില് മുന്പന്തിയിലാണ് വേലുമണി. മന്ത്രി അനധികൃതമായി ബന്ധുക്കള്ക്ക് കരാര് നല്കാന് 100 കോടി രൂപ വെട്ടിച്ചു. പൊള്ളാച്ചി പീഡനക്കേസിലെ പ്രതികളെ സംരക്ഷിക്കുകയാണ്. അധികാരമുപയോഗിച്ച് മന്ത്രിക്കെതിരായ കേസുകള് പോലിസും ക്രൈംബ്രാഞ്ചും തേച്ചുമായ്ച്ചുകളയുകയാണ്. വീരമണി നടത്തിയ അഴിമതിയിലെ പങ്കാളിത്തം സംബന്ധിച്ച് തെളിവുകള് ശേഖരിച്ചുവരികയാണ്. തെളിവുകള് ഇപ്പോള് വിജിലന്സ് ഡയറക്ടര്ക്ക് കൈമാറുന്നില്ല. അധികാരം ലഭിച്ചുകഴിഞ്ഞാല് തെളിവുകള് വിജിലന്സിന് കൈമാറും. വേലുമണിയെ ജയിലില് അടയ്ക്കുകയെന്നതാവും തന്റെ ആദ്യ കര്ത്തവ്യമെന്നും സ്റ്റാലിന് പ്രസംഗത്തില് ചൂണ്ടിക്കാട്ടിയിരുന്നു.
RELATED STORIES
ഹാത്റസിലെ ബിജെപി എംപി ഹൃദയാഘാതത്തെ തുടര്ന്ന് മരിച്ചു
24 April 2024 4:30 PM GMTകലാശക്കൊട്ട് കഴിഞ്ഞു മടങ്ങിയ സിഐടിയു തൊഴിലാളി ജീപ്പില്നിന്ന് വീണു...
24 April 2024 4:13 PM GMTലോക്സഭാ തിരഞ്ഞെടുപ്പ്: രാജ്യത്തിന്റെ വീണ്ടെടുപ്പ് മുഖ്യ...
24 April 2024 2:41 PM GMTമോദിയുടെ വിദ്വേഷ പരാമര്ശങ്ങളെ വിമര്ശിച്ചു; ന്യൂനപക്ഷ മോര്ച്ച...
24 April 2024 2:36 PM GMTഅറ്റകുറ്റപ്പണി; മാഹി പാലം 29 മുതല് മെയ് 10 വരെ അടച്ചിടും
24 April 2024 2:19 PM GMT'തിരിച്ചടി കിട്ടാതെ കൂത്താടി നടന്ന കാലമൊക്കെ കഴിഞ്ഞു'; ഗസ...
24 April 2024 12:56 PM GMT