ത്രിശൂലം കൊണ്ട് കുത്തിക്കൊന്നു; ദുര്മന്ത്രവാദിനിയും ഭര്ത്താവും അറസ്റ്റില്
മുറി അടച്ചിട്ട് മന്ത്രവാദ ക്രിയകള് നടത്തുന്നതിനിടെയാണ് ത്രിശൂലം കൊണ്ട് കുത്തിപ്പരിക്കേല്പ്പിച്ചത്
റാഞ്ചി: ജാര്ഖണ്ഡിലെ ഗാര്വ ജില്ലയില് ദുര്മന്ത്രവാദിനി മധ്യവയസ്കയെ ത്രിശൂലം കൊണ്ട് കുത്തിക്കൊന്നു. പിശാചുബാധ ഒഴിപ്പിക്കുന്നതിനിടെ ത്രിശൂലം കൊണ്ടുള്ള കുത്തേറ്റ് 45കാരിയായ രുധിനി ദേവിയാണ് കൊല്ലപ്പെട്ടത്. സംഭവവുമായി ബന്ധപ്പെട്ട് മന്ത്രവാദിനി ആലം ദേവിയേയും ഭര്ത്താവിനെയും പോലിസ് അറസ്റ്റ് ചെയ്തു. കുറച്ചുകാലമായി അസുഖബാധിതയായിരുന്ന രുധിനി ദേവിയെ നിരവധി ഡോക്ടര്മാര് ചികില്സിച്ചെങ്കിലം ഭേദമാവാത്തതിനെ തുടര്ന്നാണ് മന്ത്രവാദിനിയെ സമീപിച്ചതെന്നു ബന്ധുക്കള് പറയുന്നു. തുടര്ന്ന് മുറി അടച്ചിട്ട് മന്ത്രവാദ ക്രിയകള് നടത്തുന്നതിനിടെയാണ് ത്രിശൂലം കൊണ്ട് കുത്തിപ്പരിക്കേല്പ്പിച്ചത്. നിലവിളി കേട്ട് ബന്ധുക്കള് ഓടിയെത്തിയപ്പോള് രുധിനി ദേവി ഗുരുതരമായി പരിക്കേറ്റ നിലയിലായിരുന്നു. കണ്ണിലും കാലിലും വയറിലും ത്രിശൂലം കൊണ്ടുള്ള നിരവധി കുത്തുകള് ഏറ്റതാണ് രുധിനി ദേവി കൊല്ലപ്പെടാന് കാരണമെന്ന് പോലിസും വ്യക്തമാക്കി. കൃത്യത്തിന് ഉപയോഗിച്ച ത്രിശൂലം പോലിസ് കണ്ടെടുത്തിട്ടുണ്ട്. പ്രദേശവാസികളുടെ പരാതിയുടെ അടിസ്ഥാനത്തിലാണ് മന്ത്രവാദിനിയെയും ഭര്ത്താവിനെയും പോലിസ് കസ്റ്റഡിയിലെടുത്തത്.
RELATED STORIES
ദുബയില് വാഹനാപകടത്തില് തൊടുപുഴ സ്വദേശി മരണപ്പെട്ടു
26 April 2024 6:10 AM GMTമുഴുവന് വിവിപാറ്റും എണ്ണണമെന്ന ഹരജികളെല്ലാം സുപ്രിംകോടതി തള്ളി
26 April 2024 6:07 AM GMTഎല്ഡിഎഫ് ബൂത്ത് ഏജന്റ് ഹൃദയാഘാതത്തെ തുടര്ന്ന് മരിച്ചു
26 April 2024 5:44 AM GMTആദ്യവോട്ട് ചെയ്ത് വീട്ടിലെത്തിയ മദ്റസാധ്യാപകന് ഹൃദയാഘാതത്തെ...
26 April 2024 5:29 AM GMTപാപിക്കൊപ്പം ശിവന് ചേര്ന്നാല് ശിവനും പാപിയാവും, സൗഹൃദങ്ങളില്...
26 April 2024 4:28 AM GMTരാവിലെതന്നെ വോട്ട് രേഖപ്പെടുത്തി നേതാക്കള്; പ്രതീക്ഷയോടെ മുന്നണികള്
26 April 2024 3:56 AM GMT