ഫോണിന്റെ ഇഎംഐ മുടങ്ങിയതിന് യുവാവിനെ കുത്തി; ഫിനാന്‍സ് കമ്പനി ജീവനക്കാര്‍ കസ്റ്റഡിയില്‍

കോഴിക്കോട്: ഫോണിന്റെ ഇഎംഐ മുടങ്ങിയതിന് യുവാവിനെ കുത്തിപരിക്കേല്‍പ്പിച്ചു. താമരശ്ശേരി അണ്ടോണ മൂഴിക്കുന്നത്ത് അബ്ദുല്‍ റഹ്‌മാനാണ് (41) പരിക്കേറ്റത്. വീട്ടില്‍ നിന്ന് വിളിച്ചിറക്കി കുത്തി കൊലപ്പെടുത്താന്‍ ശ്രമിച്ചതായി അബ്ദുല്‍ റഹ്‌മാന്‍ പോലിസില്‍ പരാതി നല്‍കി. ഇന്നലെ രാത്രി 8 മണിയോടെയായിരുന്നു സംഭവം. കൊടുവള്ളിയിലെ ഒരു മൊബൈല്‍ ഷോപ്പ് വഴി ടിവിഎസ് ഫൈനാന്‍സിലൂടെയാണ് 36,000 രൂപ വിലയുള്ള മൊബൈല്‍ ഫോണ്‍ അബ്ദുല്‍റഹ്‌മാന്‍ വാങ്ങിയിരുന്നത്. ഇതിന്റെ മൂന്നാമത്തെ അടവ് മുടങ്ങിയതിനെതുടര്‍ന്നാണ് ആക്രമണം. മറ്റൊരാളുടെ പേരില്‍ ഫോണ്‍ചെയ്ത് താമരശ്ശേരി ചുങ്കം ജംഗ്ഷനില്‍ ബാലുശ്ശേരി റോഡില്‍ ആളൊഴിഞ്ഞ ഭാഗത്തേക്ക് വിളിച്ചു വരുത്തി ഭീഷണിപ്പെടുത്തുകയായിരുന്നു സംഘം.

പ്രതികള്‍ സഞ്ചരിച്ച വാഹനത്തിലേക്ക് വലിച്ചു കയറ്റാന്‍ ശ്രമിക്കുകയും കുതറിമാറിയപ്പോള്‍ മര്‍ദ്ദിക്കുകയുമായിരുന്നു.