മോദിയെ പുകഴ്ത്തി രാജസ്ഥാന്‍ മുഖ്യമന്ത്രി അശോക് ഗെലോട്ടും

ജയ് പൂര്‍: മുതിര്‍ന്ന കോണ്‍ഗ്രസ് നേതാക്കളായ ജയറാം രമേശിനും ശശി തരൂര്‍ എംപിക്കും പിന്നാലെ മോദിയെ പുകഴ്ത്തി രാജസ്ഥാന്‍ മുഖ്യമന്ത്രി അശോക് ഗെലോട്ടും രംഗത്ത്. മോദി മികച്ച പ്രാസംഗികനാണെന്നും അതാണ് അദ്ദേഹത്തിന്റെ പ്രത്യേകതയെന്നും അതില്‍നിന്ന് അദ്ദേഹം നേട്ടം കൊയ്യുന്നുണ്ടെന്നുമാണ് കോണ്‍ഗ്രസ് നേതാവായ അശോക് ഗെലോട്ടിന്റെ അഭിപ്രായം. ജയ് പൂരിലെ കോണ്‍ഗ്രസ് ആസ്ഥാനത്ത്, രണ്ടാമതും പ്രധാനമന്ത്രിയായി മോദി അധികാരത്തിലെത്തിയതിന്റെ 100ാം ദിവസത്തെ കുറിച്ചുള്ള ചോദ്യത്തിന് വാര്‍ത്താസമ്മേളനത്തിലാണ് ഗെലോട്ട് മോദിയെ പുകഴ്ത്തിയത്. ഡി കെ ശിവകുമാറിന്റെ അറസ്റ്റ് പ്രതികാര നടപടിയാണെന്നും അദ്ദേഹം പറഞ്ഞു.