മഹാരാഷ്ട്രയില് കാറുകള് കൂട്ടിയിടിച്ച് മൂന്ന് മരണം; എട്ടുപേര്ക്ക് പരിക്ക്
പുനെ സ്വദേശികളായ ഗുസ്തിക്കാരാണ് മരിച്ച മൂന്നുപേരും. കോലാപൂരില്നിന്നും മടങ്ങിവരവെ ഇവര് സഞ്ചരിച്ച ഇന്നോവ കാര് മറ്റൊരു സ്വിഫ്റ്റ് കാറുമായി കൂട്ടിയിടിക്കുകയായിരുന്നു.
മുംബൈ: മഹാരാഷ്ട്രയിലെ സത്താര ജില്ലയിലെ കാരാഡിലുണ്ടായ വാഹനാപകടത്തില് മൂന്നുപേര് മരിച്ചു. എട്ടുപേര്ക്ക് പരിക്കേറ്റു. കാരാഡ് ടൗണിനടുത്തുള്ള നാരായണവാടി ഗ്രാമത്തിലെ പൂനെ- ബംഗളൂരു ദേശീയപാതയിലായിരുന്നു ഞായറാഴ്ച രാത്രിയോടെയായിരുന്നു അപകടം. പൂനെ സ്വദേശികളായ ഗുസ്തിക്കാരാണ് മരിച്ച മൂന്നുപേരും. കോലാപൂരില്നിന്നും മടങ്ങിവരവെ ഇവര് സഞ്ചരിച്ച ഇന്നോവ കാര് മറ്റൊരു സ്വിഫ്റ്റ് കാറുമായി കൂട്ടിയിടിക്കുകയായിരുന്നു. ഗുസ്തിക്കാര് സഞ്ചരിച്ച കാറില് ആറുപേരാണുണ്ടായിരുന്നത്.
സ്വിഫ്റ്റ് കാറിലുണ്ടായിരുന്ന അഞ്ചുപേര്ക്ക് നിസാര പരിക്ക് മാത്രമാണുള്ളത്. പരിക്കേറ്റവരെ സമീപത്തെ ആശുപത്രിയിലേക്ക് മാറ്റി. രാഹുല് ഡോര്ജ്, സ്വപ്നില് ഷിന്ഡെ, രവിരാജ് സലുങ്കെ എന്നിവരാണ് മരണപ്പെട്ടതെന്ന് തിരിച്ചറിഞ്ഞിട്ടുണ്ട്. പൂനെ സ്വദേശികളായ ബാലസാഹേബ് ഗഡാകെ, ഗണേഷ് കാലെ, തുഷാര് ഗവാഡെ എന്നിവര്ക്കാണ് ഗുരുതരമായി പരിക്കേറ്റിട്ടുള്ളത്. കാര് മറ്റൊരു വാഹനത്തെ മറികടക്കാന് ശ്രമിക്കുന്നതിനിടെയാണ് അപകടമുണ്ടായതെന്നാണ് പ്രാഥമിക വിവരമെന്ന് സത്താര ജില്ലാ പോലിസ് സൂപ്രണ്ട് അജയ് കുമാര് ബന്സല് പറഞ്ഞു.
RELATED STORIES
ഗസയിലെ ആക്രമണങ്ങളില് പ്രതിഷേധിച്ച് ഇസ്രായേലുമായുള്ള വ്യാപാര ബന്ധം...
3 May 2024 5:58 PM GMTഅബൂദബിയില് കാണാതായ ചാവക്കാട് സ്വദേശിയെ മരിച്ച നിലയില് കണ്ടെത്തി
3 May 2024 3:01 PM GMTതൂശൂരില് ബസ്സില് ജീപ്പിടിച്ച് രണ്ട് മരണം; 12 പേര്ക്കു പരിക്ക്
3 May 2024 2:54 PM GMTഗസയില് ഇസ്രായേല് സൈനികര് ഫലസ്തീനികളെ മനുഷ്യകവചമായി ഉപയോഗിച്ചു;...
3 May 2024 11:10 AM GMTഫ്ളാറ്റില്നിന്ന് കുഞ്ഞിനെ പുറത്തേക്കെറിഞ്ഞത് മാതാവ്; യുവതി ലൈംഗിക...
3 May 2024 9:38 AM GMTയുവതിയെ ഹോട്ടലില് കയറി കുത്തിക്കൊലപ്പെടുത്താന് ശ്രമിച്ചതിന്...
3 May 2024 8:55 AM GMT