India

ഇമ്രാന്‍ഖാനുമായി ഇന്ത്യയിലെ പാക് ഹൈക്കമ്മീഷണര്‍ കൂടിക്കാഴ്ച നടത്തി

ഇന്ത്യയും പാകിസ്ഥാനും തമ്മിലുള്ള നിലവിലെ സ്ഥിതിഗതികള്‍ ഇരുവരും ചര്‍ച്ച ചെയ്തു.

ഇമ്രാന്‍ഖാനുമായി ഇന്ത്യയിലെ പാക് ഹൈക്കമ്മീഷണര്‍ കൂടിക്കാഴ്ച നടത്തി
X

ഇസ്ലാമാബാദ്: പാകിസ്ഥാന്‍ പ്രധാനമന്ത്രി ഇമ്രാന്‍ ഖാനുമായി ഇന്ത്യയിലെ പാക് ഹൈക്കമ്മീഷണര്‍ സൊഹൈല്‍ മഹ്മൂദ് കൂടിക്കാഴ്ച നടത്തി. ഇന്ത്യയും പാകിസ്ഥാനും തമ്മിലുള്ള നിലവിലെ സ്ഥിതിഗതികള്‍ ഇരുവരും ചര്‍ച്ച ചെയ്തു. സൊഹൈല്‍ മഹ്മൂദ് ഇന്ത്യയിലേക്ക് പുറപ്പെടുന്നതിനു മുന്നോടിയായാണ് ഇമ്രാനുമായി കൂടിക്കാഴ്ച നടത്തിയത്.

പുല്‍വാമ ആക്രമണത്തിനു പിന്നാലെ പാകിസ്ഥാന്‍ സൊഹൈല്‍ മഹ്മൂദിനെ തിരികെ വിളിച്ചിരുന്നു. പാക് പ്രതിനിധി സംഘം ഈമാസം 14ന് ഡല്‍ഹിയില്‍ തിരിച്ചെത്തുമെന്നാണ് പാകിസ്ഥാന്‍ അറിയിച്ചിരിക്കുന്നത്. പുല്‍വാമ ആക്രമണത്തിന് പിന്നാലെ പാകിസ്ഥാനിലെ ഇന്ത്യന്‍ ഹൈക്കമ്മീഷണര്‍ അജയ് ബിസാരിയയെ ഇന്ത്യയും തിരികെ വിളിച്ചിരുന്നു.

Next Story

RELATED STORIES

Share it