ലോക്ക് ഡൗണ്: തമിഴ്നാട്ടില് വന് ഇളവുകള്; തീവ്രബാധിത ജില്ലകളൊഴികെ പൊതുഗതാഗതത്തിന് അനുമതി
അടുത്ത ഉത്തരവ് വരുന്നത് വരെ തമിഴ്നാട്ടില് തിയറ്ററുകള്, ജിമ്മുകള്, വിദ്യാഭ്യാസ സ്ഥാപനങ്ങള് എന്നിവ അടഞ്ഞുകിടക്കും. ടാക്സി, ഓട്ടോ സര്വീസുകള്ക്കും അനുമതി നല്കിയിട്ടുണ്ട്.
ചെന്നൈ: തമിഴ്നാട്ടില് കൊവിഡ് രോഗവ്യാപനം രൂക്ഷമാവുമ്പോഴും സംസ്ഥാന സര്ക്കാര് ലോക്ക് ഡൗണ് നിയന്ത്രണങ്ങളില് വന് ഇളവുകള് പ്രഖ്യാപിച്ചു. പൊതുഗതാഗതം ഉള്പ്പെടെ പുനരാരംഭിക്കാനാണ് സര്ക്കാര് തീരുമാനം. ലോക്ക് ഡൗണ് നിയന്ത്രണങ്ങള് ജൂണ് എട്ട് മുതല് ഭൂരിപക്ഷവുമില്ലാതാവുമെന്ന കേന്ദ്രസര്ക്കാരിന്റെ പ്രഖ്യാപനത്തെ തുടര്ന്നാണ് തമിഴ്നാട് സര്ക്കാരിന്റെ നീക്കം. സംസ്ഥാനത്തെ കണ്ടെയ്ന്മെന്റ് സോണുകള് ഒഴികെ മറ്റു മേഖലകളില് ജ്വല്ലറികളും തുണിക്കടകളും ഉള്പ്പെടെ എല്ലാ വ്യാപാരസ്ഥാപനങ്ങളും 50 ശതമാനം ജീവനക്കാരുമായി നാളെ മുതല് പ്രവര്ത്തിക്കുമെന്ന് മുഖ്യമന്ത്രി കെ പളനിസ്വാമി അറിയിച്ചു.
എന്നാല്, അടുത്ത ഉത്തരവ് വരുന്നത് വരെ തമിഴ്നാട്ടില് തിയറ്ററുകള്, ജിമ്മുകള്, വിദ്യാഭ്യാസ സ്ഥാപനങ്ങള് എന്നിവ അടഞ്ഞുകിടക്കും. ടാക്സി, ഓട്ടോ സര്വീസുകള്ക്കും അനുമതി നല്കിയിട്ടുണ്ട്. ഐടി സ്ഥാപനങ്ങള്ക്ക് 20 ശതമാനം ജീവനക്കാരുമായി പ്രവര്ത്തിക്കാമെന്നും പുതുക്കിയ നിര്ദേശത്തില് പറയുന്നു. നാളെ മുതല് ചെന്നൈ, ചെങ്കല്പെട്ട്,കാഞ്ചീപുരം, തിരുവെള്ളൂര് ജില്ലകള് ഒഴികെയുള്ള നഗരങ്ങളിലും ഗ്രാമപ്രദേശങ്ങളിലും 50 ശതമാനം ബസുകള് സര്വീസ് നടത്താന് സര്ക്കാര് അനുമതി നല്കിയിട്ടുണ്ട്.
പൊതുജനങ്ങള്ക്ക് കേരളം, കര്ണാടകം ഉള്പ്പെടെയുള്ള അടുത്ത സംസ്ഥാനങ്ങളിലേക്ക് പോവാനും അനുമതിയുണ്ടായിരിക്കില്ല. പുതിയ ഇളവുകള് പ്രകാരം ജൂണ് 8 മുതല് റെസ്റ്റോറന്റുകള്, വ്യവസായങ്ങള് പുനരാരംഭിക്കാന് അനുവദിക്കും. പുറത്തിറങ്ങുമ്പോള് മാസ്കുകള് നിര്ബന്ധമായുമുണ്ടായിരിക്കണം. പുതിയ ഉത്തരവ് പ്രകാരം സംസ്ഥാന തലസ്ഥാനത്തിന് പുറത്തുള്ള മദ്യവില്പ്പന ശാലകള് രാവിലെ 10 മുതല് രാത്രി 8 വരെ പ്രവര്ത്തിക്കാന് അനുവദിക്കും. നിലവില് കൊവിഡ് കേസുകള് ഏറ്റവും കൂടുതല് റിപോര്ട്ട് ചെയ്യപെട്ട സംസ്ഥാനങ്ങളില് ഒന്നാണ് തമിഴ്നാട്. ഒറ്റദിവസം കൊണ്ട് 938 പുതിയ കേസുകളാണ് റിപോര്ട്ട് ചെയ്യപ്പെട്ടിട്ടുള്ളത്.
RELATED STORIES
വോട്ടിന് കിറ്റ്: ജനാധിപത്യത്തെ അട്ടിമറിക്കാനുള്ള നീക്കത്തില് പൗരസമൂഹം ...
25 April 2024 9:33 AM GMTശബരിമല ഗ്രീന്ഫീല്ഡ് വിമാനത്താവളം: ഭൂമി ഏറ്റെടുക്കാനുള്ള സര്ക്കാര്...
25 April 2024 9:08 AM GMTപ്രധാനമന്ത്രിയുടെ പ്രസംഗം എക്സ് ഹാന്റിലിൽ പങ്കുവെച്ചു; ബിജെപിക്കെതിരെ...
25 April 2024 7:34 AM GMTദ്വിരാഷ്ട്ര പരിഹാരം നടപ്പാക്കിയാല് ആയുധം താഴെവയ്ക്കാമെന്ന് ഹമാസ്
25 April 2024 6:52 AM GMT70 ബന്ദികളെ ഇസ്രായേല് കൊലപ്പെടുത്തിയെന്ന് അമേരിക്കന്-ഇസ്രായേലി...
25 April 2024 6:33 AM GMTമമത ബാനര്ജിക്കെതിരെ അപമാനകരമായ വാക്കുകള് ഉപയോഗിച്ച സുവേന്ദു...
25 April 2024 6:14 AM GMT