എഐസിസി ജനറല് സെക്രട്ടറി സ്ഥാനം രാജിവച്ച് ജ്യോതിരാദിത്യ സിന്ധ്യ
ലോക്സഭാ തിരഞ്ഞെടുപ്പ് തോല്വിയുടെ ഉത്തരവാദിത്വം ഏറ്റെടുത്ത് രാഹുല് ഗാന്ധി കോണ്ഗ്രസ് അധ്യക്ഷസ്ഥാനം രാജിവച്ചതിന്റെ ചുവടുപിടിച്ചാണ് സിന്ധ്യയുടെയും രാജി. പടിഞ്ഞാറന് ഉത്തര്പ്രദേശിന്റെ ചുമതലയുണ്ടായിരുന്ന ജനറല് സെക്രട്ടറിയായിരുന്നു സിന്ധ്യ.
ഭോപ്പാല്: മുതിര്ന്ന കോണ്ഗ്രസ് നേതാവ് ജ്യോതിരാദിത്യ സിന്ധ്യ എഐസിസി ജനറല് സെക്രട്ടറി സ്ഥാനം രാജിവച്ചു. ലോക്സഭാ തിരഞ്ഞെടുപ്പ് തോല്വിയുടെ ഉത്തരവാദിത്വം ഏറ്റെടുത്ത് രാഹുല് ഗാന്ധി കോണ്ഗ്രസ് അധ്യക്ഷസ്ഥാനം രാജിവച്ചതിന്റെ ചുവടുപിടിച്ചാണ് സിന്ധ്യയുടെയും രാജിയെന്നാണ് റിപോര്ട്ട്. അതേസമയം, സിന്ധ്യയുടെ രാജി ഔദ്യോഗികമായി കോണ്ഗ്രസ് പുറത്തുവിട്ടിട്ടില്ല. പടിഞ്ഞാറന് ഉത്തര്പ്രദേശിന്റെ ചുമതലയുണ്ടായിരുന്ന ജനറല് സെക്രട്ടറിയായിരുന്നു സിന്ധ്യ. ഉത്തര്പ്രദേശില് കോണ്ഗ്രസിന് ഒരു സീറ്റ് മാത്രമാണ് നേടാന് സാധിച്ചത്. പാര്ട്ടി അധ്യക്ഷനായിരുന്നു രാഹുല് അമേത്തിയില് തോല്ക്കുകയും ചെയ്തിരുന്നു.
മധ്യപ്രദേശ് മുഖ്യമന്ത്രി കമല്നാഥ് നേരത്തെ പിസിസി അധ്യക്ഷ സ്ഥാനം ഒഴിഞ്ഞിരുന്നു. ലോക്സഭാ തിരഞ്ഞെടുപ്പില് സംസ്ഥാനത്ത് പാര്ട്ടിക്കുണ്ടായ കനത്ത തോല്വിയെ തുടര്ന്നായിരുന്നു ഇത്. കോണ്ഗ്രസ് അധ്യക്ഷ സ്ഥാനം രാഹുല് ഗാന്ധി രാജിവച്ചതോടെ പാര്ട്ടിയില് കൂട്ടരാജിക്കാണ് കളമൊരുങ്ങിയത്. തോല്വിയുടെ ധാര്മിക ഉത്തരവാദിത്വം ഏറ്റെടുത്ത് ദീപക് ബാബ്റിയ, വിവേക് തന്ഖ തുടങ്ങിയ മറ്റു പല മുതിര്ന്ന നേതാക്കളും രാജിവച്ചിട്ടുണ്ട്. യൂത്ത് കോണ്ഗ്രസ് അഖിലേന്ത്യാ അധ്യക്ഷന് കേശവ് ചന്ദ് യാദവും രാജിവച്ചിരുന്നു. തിരഞ്ഞെടുപ്പ് തോല്വിയില് നിരവധി നേതാക്കള്ക്ക് ഉത്തരവാദിത്വമുണ്ടെന്നും താന് ആദ്യം രാജിവയ്ക്കാതെ മറ്റുള്ളവരെ കുറ്റപ്പെടുത്താനാവില്ലെന്നും കഴിഞ്ഞ ദിവസം രാഹുല് ഗാന്ധി ട്വീറ്റ് ചെയ്ത കത്തില് വ്യക്തമാക്കിയിരുന്നു.
RELATED STORIES
സുപ്രിംകോടതി നിര്ദേശത്തിന് പിന്നാലെ മാപ്പപേക്ഷിക്കുന്ന പുതിയ...
24 April 2024 6:40 AM GMTമുതല്മുടക്കും ലാഭവിഹിതവും നല്കിയില്ല; മഞ്ഞുമ്മല് ബോയ്സ്...
24 April 2024 6:35 AM GMTവിവി പാറ്റില് വ്യക്തത തേടി സുപ്രിം കോടതി; സാങ്കേതിക വിഷയങ്ങൾ...
24 April 2024 6:22 AM GMTപത്തനംതിട്ടയിൽ കൊവിഡ് വാക്സിൻ എന്ന് തെറ്റിദ്ധരിപ്പിച്ച് വയോധികയ്ക്ക്...
24 April 2024 6:21 AM GMTഇറാനെ വീണ്ടും ആക്രമിച്ചാല് ഇസ്രായേലിനെ പൂര്ണമായും തുടച്ച് നീക്കും;...
24 April 2024 6:04 AM GMT25000 കോടിയുടെ തട്ടിപ്പ് കേസില് ഉപമുഖ്യമന്ത്രി അജിത് പവാറിന് ആശ്വാസം; ...
24 April 2024 5:49 AM GMT