മുൻ സിബിഐ ഡയറക്ടർ രഞ്ജിത് സിൻഹ കൊവിഡ് ബാധിച്ചു മരിച്ചു

ന്യൂഡൽഹി: മുൻ സെൻട്രൽ ബ്യൂറോ ഓഫ് ഇൻവെസ്റ്റിഗേഷൻ (സിബിഐ) ഡയറക്ടർ രഞ്ജിത് സിൻഹ കൊവിഡ് ബാധിച്ച് മരണപ്പെട്ടു. വെള്ളിയാഴ്ച രാവിലെ അദ്ദേഹം മരണപ്പെട്ടതായി സർക്കാർ ഉദ്യോഗസ്ഥർ സ്ഥിരീകരിച്ചു.

വ്യാഴാഴ്ച അദ്ദേഹം കൊവിഡ് പോസിറ്റീവായതിനെ തുടർന്ന് ആശുപത്രിയിൽ ചികിൽസ തേടിയിരുന്നു. 1974 ബാച്ചിലെ റിട്ടയേർഡ് ഇന്ത്യൻ പോലിസ് സർവീസ് (ഐപിഎസ്) ഉദ്യോഗസ്ഥനായിരുന്ന സിൻഹ ഇന്ന് പുലർച്ചെ 4.30 ഓടെയാണ് അന്തരിച്ചത്.

സിബിഐ ഡയറക്ടറായി സേവനമനുഷ്ഠിച്ചതിനു പുറമേ ഡിജി ഐടിബിപി ഉൾപ്പെടെ വിവിധ സീനിയർ തസ്തികകളും സിൻഹ വഹിച്ചിട്ടുണ്ട്.