രാജസ്ഥാനില്‍ ആശുപത്രി ഐസിയുവില്‍ തീപിടിത്തം; എട്ടു മരണം, മൂന്നു പേര്‍ക്ക് ഗുരുതര പരിക്ക്

ജയ്പുര്‍: രാജസ്ഥാനില്‍ ആശുപത്രിയിലെ ട്രോമ ഐസിയുവില്‍ ഉണ്ടായ തീപിടിത്തത്തില്‍ എട്ടു മരണം. സ്ത്രീകളും കുട്ടികളുമുള്‍പ്പെടെയുള്ളവരാണ് മരിച്ചത്. മൂന്നു പേര്‍ക്ക് ഗുരുതരമായി പരുക്കേറ്റു. ഞായറാഴ്ച രാത്രിയായിരുന്നു സംഭവം. അപകട സമയത്ത് 11 രോഗികളായിരുന്നു ഐസിയുവിലുണ്ടായിരുന്നത്. ന്യൂറോ ഐസിയു വാര്‍ഡിന്റെ സ്റ്റോര്‍ റൂമില്‍നിന്ന് രാത്രി 11.20-ഓടെ തീപടരുകയായിരുന്നു. ഷോര്‍ട്ട് സര്‍ക്യൂട്ടാണ് തീപിടിക്കാന്‍ കാരണമെന്നാണ് വിവരം. ഒന്നര മണിക്കൂര്‍ നീണ്ട ശ്രമത്തിനൊടുവിലാണ് തീയണച്ചത്.