വീടിനുള്ളില്‍വച്ച് പാമ്പ് കൊത്തി; അരിശംപൂണ്ട യുവാവ് പാമ്പിനെ കടിച്ചുമുറിച്ചു

ലഖ്‌നോ: വീടിനുള്ളില്‍ക്കയറി തന്നെ കൊത്തിയ പാമ്പിനെ കടിച്ചുമുറിച്ച് കഷണങ്ങളാക്കി യുവാവ് അരിശംതീര്‍ത്തു. ഉത്തര്‍പ്രദേശിലെ എട്ടായില്‍ ഞായറാഴ്ച രാത്രിയിലായിരുന്നു സംഭവം. മദ്യലഹരിയിലായിരുന്ന രാജ്കുമാര്‍ എന്ന യുവാവിന് വീടിനുള്ളില്‍വച്ചാണ് പാമ്പിന്റെ കടിയേല്‍ക്കുന്നത്. ഇതിന് പിന്നാലെ ഇയാള്‍ പാമ്പിനെ പിടികൂടി കടിച്ചുമുറിക്കുകയായിരുന്നു.

ആശുപത്രിയില്‍ പ്രവേശിപ്പിച്ച ഇയാളുടെ നില അതീവഗുരുതരമാണെന്ന് ഡോക്ടര്‍മാര്‍ അറിയിച്ചു. മകന്‍ മദ്യലഹരിലിയാണ് പാമ്പിനെ കടിച്ചുമുറിച്ചതെന്ന് പിതാവ് ബാബു റാം പറഞ്ഞതായി ദേശീയ മാധ്യമങ്ങള്‍ റിപോര്‍ട്ട് ചെയ്തു. പാമ്പുകടിയേറ്റ മകനെ ചികില്‍സിക്കാന്‍ പണമില്ലെന്നും അദ്ദേഹം പറഞ്ഞു. യുവാവിന്റെ നില ഗുരുതരമായതിനെത്തുടര്‍ന്ന് വിദഗ്ധചികില്‍സ ലഭിക്കുന്ന ആശുപത്രിയിലേക്ക് മാറ്റാന്‍ നിര്‍ദേശിച്ചതായി രാജ്കുമാറിനെ ചികില്‍സിക്കുന്ന ഡോക്ടര്‍ വ്യക്തമാക്കി.