രാജീവ് വധക്കേസ് പ്രതികളെ മോചിപ്പിക്കും; യുപിഎ ഘടകകക്ഷിയായ ഡിഎംകെയുടെ പ്രകടനപത്രിക
തമിഴ്നാട്ടിലെ ശ്രീലങ്കന് അഭയാര്ത്ഥികള്ക്ക് പൗരത്വം നല്കും, സേതുസമുദ്രം പദ്ധതി പുനരാരംഭിക്കും തുടങ്ങിയവയും പ്രകടന പത്രികയില് ഉള്പ്പെടുത്തിയിട്ടുണ്ട്
ചെന്നൈ: മുന് പ്രധാനമന്ത്രിയും കോണ്ഗ്രസ് നേതാവുമായ രാജീവ് ഗാന്ധി വധക്കേസിലെ പ്രതികളെ മോചിപ്പിക്കുമെന്ന് യുപിഎ ഘടകക്ഷിയായ ഡിഎംകെയുടെ പ്രകടന പത്രികയില് വാഗ്ദാനം. ഏറെ രാഷ്ട്രീയ വിവാദങ്ങള്ക്കു കാരണമായ വിഷയത്തിലാണ്, പ്രധാനമന്ത്രി സ്ഥാനത്തേക്ക് യുപിഎ ഉയര്ത്തിക്കാട്ടുന്ന രാഹുല് ഗാന്ധിയുടെ പിതാവും യുപിഎ അധ്യക്ഷ സോണിയാ ഗാന്ധിയുടെ ഭര്ത്താവുമായ രാജീവ് ഗാന്ധി വധക്കേസില് നിര്ണായക നിലപാടെടുത്ത് രംഗത്തെത്തിയത്. കേസില് ജയിലില് കഴിയുന്ന പ്രതികള്ക്ക് ജയില്മോചനം നല്കുമെന്നതിനു പുറമെ തമിഴ്നാട്ടിലെ ശ്രീലങ്കന് അഭയാര്ത്ഥികള്ക്ക് പൗരത്വം നല്കും, സേതുസമുദ്രം പദ്ധതി പുനരാരംഭിക്കും തുടങ്ങിയവയും പ്രകടന പത്രികയില് ഉള്പ്പെടുത്തിയിട്ടുണ്ട്. പൊതുജനങ്ങളില് നിന്ന് നിര്ദേശം സ്വീകരിച്ചാണ് ഡിഎംകെ അധ്യക്ഷന് എം കെ സ്റ്റാലിന് പ്രകടന പത്രിക തയ്യാറാക്കിയത്. നോട്ട് നിരോധനത്തിന്റെ ഇരകള്ക്ക് നഷ്ടപരിഹാരം നല്കും, നീറ്റ് പരീക്ഷയില് നിന്ന് തമിഴ്നാടിനെ ഒഴിവാക്കും, സംസ്ഥാനത്ത് പെട്രോള്-ഡീസല് വില നിയന്ത്രിക്കും, കേന്ദ്രസര്ക്കാര് സ്ഥാപനങ്ങളിലും ഔദ്യോഗിക ഭാഷ തമിഴാക്കും, വിദ്യാര്ഥികള്ക്ക് സൗജന്യ ട്രെയിന് യാത്ര, കര്ഷകര്ക്ക് പ്രത്യേക ബജറ്റ്, ദേശീയപാതയില് ടോള്പിരിവ് നിര്ത്തലാക്കും, വിദ്യാഭ്യാസ വായ്പകള് എഴുതിത്തള്ളും, പുതുച്ചേരിക്ക് പൂര്ണ സംസ്ഥാന പദവി നല്കും തുടങ്ങിയവ വാഗ്ദാനങ്ങളും ഡിഎംകെയുടെ പ്രകടനപത്രികയില് ഇടംപിടിച്ചിട്ടുണ്ട്. തമിഴ്നാട്ടില് 20 സീറ്റില് മല്സരിക്കുന്ന മുന്നണിയില് കോണ്ഗ്രസ്, വിസികെ, എംഡിഎംകെ എന്നീ കക്ഷികളും ഇടതു പാര്ട്ടികളുമുണ്ട്.
RELATED STORIES
ചാംപ്യന്സ് ലീഗില് പിഎസ്ജി-ഡോര്ട്ട്മുണ്ട് സെമി; ബാഴ്സയും...
17 April 2024 6:08 AM GMTഫലസ്തീന് പ്രശ്നപരിഹാരം കൂടാതെ പശ്ചിമേഷ്യന് സംഘര്ഷം...
16 April 2024 5:37 PM GMTയുഎഇയില് ഇന്നുമുതല് മൂന്നുദിവസം ശക്തമായ മഴയ്ക്കു സാധ്യത
15 April 2024 4:41 PM GMTഇറാന് ആക്രമണം പ്രതിരോധിക്കാന് ഇസ്രായേലിന് ചെലവായത് 11,000 കോടി
15 April 2024 6:13 AM GMTഇറാന് പിടിച്ചെടുത്ത ഇസ്രായേല് കപ്പലില് മലയാളികളടക്കം 17...
14 April 2024 5:42 AM GMTഇസ്രായേല് ബന്ധമുള്ള കപ്പല് ഇറാന് പിടിച്ചെടുത്തു
13 April 2024 1:37 PM GMT