പരാതി നല്കാനെത്തിയ പെണ്കുട്ടിയെ അപമാനിച്ച് തിരിച്ചയച്ചു; പോലിസുകാരനെതിരേ നടപടി
പെണ്കുട്ടിയുടെ സഹോദരനാണ് മൊബൈല് ഫോണില് വീഡിയോ എടുത്തത്
ന്യൂഡല്ഹി: ഉത്തപ്രദേശിലെ കാണ്പൂരില് പീഡന പരാതി നല്കാന് പോലിസ് സ്റ്റേഷനിലെത്തിയ പ്രയപൂര്ത്തായാവാത്ത പെണ്കുട്ടിയെ പോലിസ് അപമാനിച്ച് തിരിച്ചയച്ചു. സംഭവത്തിന്റെ വീഡിയോ വൈറലായതോടെ കോണ്ഗ്രസ് നേതാവ് പ്രിയങ്ക ഗാന്ധി ട്വീറ്റ് ചെയ്തു. തുടര്ന്ന് പോലിസ് ഉദ്യോഗസ്ഥനെ ജോലിയില് നിന്ന് നീക്കി. 16കാരിയായ പെണ്ക്കുട്ടിയും ബന്ധുക്കളും ചേര്ന്നാണ് പരാതി നല്കാന് പോലിസ് സ്റ്റേഷനിലെത്തിയത്. കോണ്സ്റ്റബിള് തര് ബാബു പെണ്കുട്ടിയോട് മോശമായി പെറുമാറുകയും കേസെടുക്കാന് വിസമ്മതിക്കുകയുമായിരുന്നു. എന്നാല് കുട്ടി ധരിച്ച ആഭരണങ്ങളെ കുറിച്ചും എന്തിനാണ് സ്വര്ണം ധരിക്കുന്നതെന്നും എന്ത് പ്രയോജനമാണ് ഇതിലൂടെ ലഭിക്കുന്നതെന്നും തര് ബാബു പെണ്കുട്ടിയോട് ചോദിച്ചു. എന്നാല് നേരിടേണ്ടിവന്ന അനുഭവങ്ങള് പെണ്കുട്ടി വിവരിക്കാന് ശ്രമിച്ചതോടെ പോലിസുകാരന് അലറിവിളിച്ച് ഭയപ്പെടുത്തുകയായിരുന്നു.
പിന്നീട് പെണ്കുട്ടിയുടെ മാതാപിതാക്കള് ഇടപെട്ടങ്കിലും അവരോടും കോണ്സ്റ്റബിള് മോശമായി പെരുമാറി. തുടര്ന്ന് പരാതി നല്കാതെ പെണ്കുട്ടിയും മാതാപിതാക്കളും പോലിസ് സ്റ്റേഷനില് നിന്നിറങ്ങി. പെണ്കുട്ടിയുടെ സഹോദരനാണ് മൊബൈല് ഫോണില് വീഡിയോ എടുത്തത്. ഈ വീഡിയോ പിന്നീട് സാമൂഹികമാധ്യമങ്ങളില് പ്രചരിക്കുകയും പ്രിയങ്ക ഗാന്ധി ഉള്പ്പെടെയുള്ളവര് പ്രതിഷേധവുമായി രംഗത്തെത്തുകയുമായിരുന്നു. വീഡിയോ വൈറലായതോടെയാണ് പോലിസ് കേസെടുക്കാന് വിസമ്മതിച്ച പോലിസുകാരനെതിരേ നടപടി ഉണ്ടായത്.
RELATED STORIES
രാഹുല് ഗാന്ധിക്കെതിരായ അധിക്ഷേപ പരാമര്ശം; പി വി അന്വര്...
25 April 2024 5:17 PM GMTമുഴുസമയ വെബ് കാസ്റ്റിങ്, കള്ളവോട്ട് തടയാന് കണ്ണൂരില് കനത്ത സുരക്ഷ
25 April 2024 5:11 PM GMTഒമാനില് വാഹനാപകടം: രണ്ട് മലയാളികള് ഉള്പ്പെടെ മൂന്ന് നഴ്സുമാര്...
25 April 2024 4:42 PM GMTപരീക്ഷാപേപ്പറില് 'ജയ്ശ്രീറാം' എന്നെഴുതിയ വിദ്യാര്ഥികള്ക്ക്...
25 April 2024 1:05 PM GMTപട്നയില് ഹോട്ടലില് വന് തീപിടിത്തം; ആറുമരണം
25 April 2024 11:53 AM GMTജാവദേക്കര് ഇ പിയുമായി ചര്ച്ച നടത്തിയത് പിണറായിക്കു വേണ്ടി; സുധാകരന് ...
25 April 2024 11:24 AM GMT