സിബിഎസ്ഇ പത്താം ക്ലാസ് പരീക്ഷാഫലം; പ്രഖ്യാപനം ഇന്നുണ്ടാവില്ല

ന്യൂഡല്‍ഹി: സിബിഎസ്ഇ പത്താംക്ലാസ് ഫലം ഇന്നുണ്ടാവില്ലെന്ന് സിബിഎസ്ഇ അധികൃതര്‍. ഇന്നു ഫലപ്രഖ്യാപനം ഉണ്ടാവുമെന്നത് അഭ്യൂഹങ്ങളാണന്നും സിബിഎസ്ഇ വ്യക്തമാക്കി. ഫലപ്രഖ്യാപനവുമായി ബന്ധപ്പെട്ട് സമൂഹമാധ്യമങ്ങളില്‍ വ്യാജവാര്‍ത്തകളാണു പ്രചരിക്കുന്നതെന്ന് സിബിഎസ്ഇ പിആര്‍ഒ രമാ ശര്‍മ അറിയിച്ചു. ഫലം പ്രഖ്യാപിച്ചാല്‍ ഔദ്യോഗിക വെബ്‌സൈറ്റുകളായ cbseresults.nic.in, cbse.nic.in എന്നിവയിലാണു ലഭ്യമാകുക എന്നും അദ്ദേഹം പറഞ്ഞു. 18.19 ലക്ഷം കുട്ടികളാണ് ഇത്തവണ സിബിഎസ്ഇ പത്താംക്ലാസ് പരീക്ഷ എഴുതിയത്.