ബംഗളൂരുവില് വാഹനാപകടത്തില് രണ്ട് മലയാളി യുവാക്കള് മരിച്ചു
കോഴിക്കോട് ബാലുശ്ശേരി സ്വദേശികളായ ആദിത്ത് (24), അഭിറാം (21) എന്നിവരാണ് മരിച്ചത്.
ബംഗളൂരു: രാജരാജേശ്വരി നഗര് മെഡിക്കല് കോളജിന് സമീപമുണ്ടായ വാഹനാപകടത്തില് രണ്ട് മലയാളി യുവാക്കള് മരിച്ചു. കോഴിക്കോട് ബാലുശ്ശേരി സ്വദേശികളായ ആദിത്ത് (24), അഭിറാം (21) എന്നിവരാണ് മരിച്ചത്. ഇന്ന് പുലര്ച്ചെ കാറും ലോറിയും കൂട്ടിയിടിച്ചായിരുന്നു അപകടം. യുവാക്കള് കേരളത്തില്നിന്ന് വിനോദയാത്രയ്ക്കും മറ്റുമായി ബംഗളൂരുവിലെത്തിയതാണെന്നാണ് പ്രാഥമിക വിവരം. ഇവര് സഞ്ചരിച്ചിരുന്ന കാറിനെ മറികടന്നുപോയ ലോറി കാറിലിടിക്കുകയായിരുന്നു.
ഇടിയുടെ ആഘാതത്തില് കാര് എതിര്വശത്ത് പാര്ക്ക് ചെയ്തിരുന്ന മറ്റൊരു ലോറിയിലിടിച്ചു. റോഡിലേക്ക് തെറിച്ചുവീണ ആദിത്തും അഭിറാമും സംഭവസ്ഥലത്തുതന്നെ മരിച്ചു. ടാക്സി കാര് ഓടിച്ചിരുന്ന ഡ്രൈവര് ഗുരുതരമായ പരിക്കുകളോടെ രാജരാജേശ്വരി നഗര് മെഡിക്കല് കോളജ് ആശുപത്രിയില് ചികില്സയിലാണ്. അപകടം പുലര്ച്ചെയായതിനാല് രക്ഷാപ്രവര്ത്തനം ദുഷ്കരമായി. അപകടത്തിന് ഒരുമണിക്കൂറിനുശേഷമാണ് യുവാക്കളെ ആശുപത്രിയിലെത്തിക്കാനായത്.
RELATED STORIES
എന്ഡ് ടു എന്ഡ് എന്ക്രിപ്ഷന് എടുത്തുമാറ്റാന് ആവശ്യപ്പെട്ടാല്...
26 April 2024 3:10 PM GMTകേരളത്തില് കള്ളവോട്ട് പരാതി വ്യാപകം; പത്തനംതിട്ട മണ്ഡലത്തില് ഏഴ്...
26 April 2024 3:01 PM GMTപലയിടത്തും രാത്രിയിലും നീണ്ടനിര; പോളിങ് ശതമാനം 70.03 പിന്നിട്ടു
26 April 2024 2:48 PM GMTകല്പറ്റയില് പിക്കപ്പിലേക്ക് ലോറി ഇടിച്ചുകയറി യുവാവ് മരിച്ചു
26 April 2024 2:25 PM GMTനീറ്റ് പരീക്ഷ മാര്ഗ നിര്ദേശക ക്ലാസ് 29ന്
26 April 2024 12:45 PM GMTവോട്ട് ചെയ്യുക എന്നത് ഓരോ പൗരന്റെയും അവകാശവും കടമയുമാണെന്ന് നടന്...
26 April 2024 11:33 AM GMT