അപകടങ്ങൾ അറിയിക്കാൻ വയനാട് കെഎസ്ഇബിക്ക് വാട്‌സാപ്പ് നമ്പർ

കൽപ്പറ്റ: ജില്ലയിൽ അതിതീവ്രമായ മഴയും ശക്തമായ കാറ്റും വീശിയടിക്കുന്ന സാഹചര്യത്തിൽ മിക്ക ഭാഗങ്ങളിലും വൈദ്യുതി ബന്ധം തകരാറിലാണ്. പൊതുജനങ്ങൾക്ക് പരാതി നൽകുന്നതിന് കെഎസ്ഇബി സെക്ഷൻ ഓഫീസുകളിൽ വിളിക്കുമ്പോൾ ഫോണിൽ ലഭ്യമാവാത്ത അവസ്ഥ നിലവിലുണ്ട്. ഈ സാഹചര്യം മറികടക്കാനാണ് വാട്‌സാപ്പ് സന്ദേശം സ്വീകരിക്കാൻ ആരംഭിച്ചത്.

ഈ സാഹചര്യത്തിൽ ജില്ലാ അടിസ്ഥാനത്തിൽ ഒരു വാട്‌സാപ്പ് നമ്പർ കെഎസ്ഇബി ലഭ്യമാക്കിയിട്ടുണ്ട്. കമ്പി പൊട്ടുക, വൈദ്യുതി തൂണുകൾ തകരാറിലാവുക തുടങ്ങിയ വളരെ പ്രധാനപ്പെട്ട പരാതികൾ ഈ നമ്പറിൽ വാട്‌സാപ്പ് മുഖാന്തിരം പൊതുജനങ്ങൾക്ക് അറിയിക്കാം. നമ്പർ 9496010626.

ഈ നമ്പറിൽ വാട്‌സാപ്പ് മെസേജ് മുഖേനയുള്ള പരാതികൾ മാത്രമേ സ്വീകരിക്കുകയുള്ളൂവെന്നും വളരെ അപകടകരമായ കാര്യങ്ങൾ അറിയിക്കുന്നതിനാണ് ഈ നമ്പർ ഉപയോഗപ്പെടുത്തേണ്ടതെന്നും കെഎസ്ഇബി കൽപ്പറ്റ ഡെപ്യൂട്ടി ചീഫ് എഞ്ചിനീയർ അറിയിച്ചു.