എസ്ഡിപിഐ ‌നിർമിച്ചു നൽകുന്ന വീടിന്റെ കട്ടില വെക്കൽ ചടങ്ങ്‌ നടന്നു

നീലേശ്വരം: എസ്ഡിപിഐ നീലേശ്വരം മുനിസിപ്പൽ കമ്മറ്റിയും യുഎഇ-നീലേശ്വരം കൾച്ചറൽ സൊസൈറ്റിയും സംയുക്തമായി ആവിഷ്‌കരിച്ച 'തേജസ്‌ ഭവനപദ്ധതി' പ്രകാരം ആദ്യ ഘട്ടത്തിൽ നിർധന കുടുംബത്തിനു വേണ്ടി നിർമിക്കുന്ന വീടിന്റെ കട്ടില വെക്കൽ ചടങ്ങ്‌ നിർവഹിച്ചു.

ഓരോ വാർഡിൽ ഓരോ വീട്‌ എന്ന ലക്ഷ്യവുമായി പ്രവർത്തനമാരംഭിച്ച തേജസ്‌ ഭവനപദ്ധതിയിൽ ആദ്യ ഘട്ടത്തിൽ മൂന്ന് വീടുകൾ നിർമിക്കാനാണ് ഉദ്ദേശിക്കുന്നത്‌. ശനിയാഴ്ച്ച രാവിലെ തൈക്കടപ്പുറത്ത്‌ വെച്ച്‌ നടന്ന ചടങ്ങിന് മഹല്ല് ഖത്തീബ്‌ പിപി അബ്ദുൽ റഹ്മാൻ മുസ്‌ല്യാർ മുഖ്യ കാർമ്മികത്വം വഹിച്ചു.

ചടങ്ങിൽ എസ്ഡിപിഐ തൃക്കരിപ്പൂർ മണ്ഡലം വൈസ് പ്രസിഡന്റ്‌ മുഹമ്മദ് മാവിലാടം, മണ്ഡലം സെക്രട്ടറി മൊയ്തു സിഎച്ച്‌, മുൻസിപ്പൽ പ്രസിഡണ്ട്‌ അബ്ദുൽ ഖാദർ ഹാജി, മുൻസിപ്പൽ സെക്രട്ടറി എംവി ഷൗക്കത്തലി, കമ്മിറ്റി അംഗം ഹനീഫ സിഎച്ച്‌, ഹംസ ഹാജി, ടി അബൂബക്കർ, എഎം ഷെഫീർ, മുഹ്‌സിൻ പറമ്പത്ത്‌, ഷെഫീക്ക്, ഫൈസൽ, ഷെജീർ, സാബിർ, അഷ്റഫ്, നിസാം, ഹാരിസ്, ഷമ്മാസ്, എന്നിവർ പങ്കെടുത്തു.