റെയില്വേ ഭിത്തി ജനങ്ങളുടെ സഞ്ചാരസ്വാതന്ത്ര്യം തടയുന്നതാവരുത് : സിപിഎം
.ജനപ്രതിനിധികളും, ജനനേതാക്കളുമായി ചര്ച്ച നടത്തി അനിവാര്യമായ സ്ഥലങ്ങളില് സഞ്ചാരസ്വാതന്ത്ര്യം ഉറപ്പാക്കിക്കൊണ്ടാവണം സുരക്ഷാഭിത്തി നിര്മിക്കേണ്ടതെന്നും, യോഗത്തിന് ഇ ടി മുഹമ്മദ് ബഷീര് എംപി മുന്കൈയ്യെടുക്കണമെന്നും സിപിഎം താനൂരില് വാര്ത്താ സമ്മേളനത്തില് ആവശ്യപ്പെട്ടു
താനാളൂര് പഞ്ചായത്തിലെ 65000ത്തോളം വരുന്ന ജനങ്ങള്ക്കുള്ള ഭരണ സ്ഥാപനങ്ങള്, ബാങ്കുകള് വിദ്യാലയങ്ങള്, ആരാധനാലയങ്ങള് തുടങ്ങിയവ സ്ഥിതിചെയ്യുന്നത് റെയിലിന്റെ കിഴക്കോ പടിഞ്ഞാറോ ഉള്ള സ്ഥലങ്ങളിലാണ്. പഞ്ചായത്തിലെ ജനങ്ങള്ക്ക് അവരുടെ ദൈനംദിനാവശ്യങ്ങള്ക്ക് വേണ്ടി റെയില് മുറിച്ചുകടക്കാതിരിക്കാനാവില്ല.
ഗതാഗത സൗകര്യമൊരുക്കേണ്ട റെയില്വേ വഴി അടച്ചു കെട്ടുന്നത് ശരിയല്ല. 500 മീറ്റര് ദൂരപരിധിയില് മുറിച്ചുകടക്കാന് അവസരമൊരുക്കുന്ന കെ റെയില് മാതൃക നമ്മുടെ മുന്നില് ഉണ്ട്. കേരള സര്ക്കാര് ജനങ്ങളുടെ സഞ്ചാരസ്വാതന്ത്ര്യത്തിന് കൊടുക്കുന്ന മുന്തിയ പരിഗണനയാണ് ഇത് കാണിക്കുന്നത് ഒരു സര്വീസ് റോഡു പോലും ഇല്ലാത്ത വലിയ പാടം കമ്പനിപ്പടി പ്രദേശത്ത് ഈ സൗകര്യം പോലും അനുവദിക്കില്ല എന്നത് അംഗീകരിക്കാനാവില്ലെന്ന് സിപിഎം നേതാക്കള് പറഞ്ഞു.
അപകടങ്ങള് പരിഗണിച്ച് ജാഗ്രത പാലിക്കുന്നതിന് വേണ്ട സിഗ്നലിംങ്ങ് സംവിധാനവും മറുവശത്തേക്ക് പ്രവേശിക്കുന്നതിന് നിയന്ത്രിതമായ കവാടങ്ങളും ഒരുക്കണം. ഏറ്റവും കൂടുതല് ജനങ്ങള് റെയില് മുറിച്ചു കടക്കുന്ന വട്ടത്താണിയില് വിപുലമായ സംവിധാനം തന്നെ അടിയന്തിരമായി ഒരുക്കണം. റെയില്വേ അധിക്യതര് ജനപ്രതിനിധികളോടൊപ്പം സ്ഥലം സന്ദര്ശിച്ച് ജനങ്ങളുടെ നിര്ദ്ദേശങ്ങള് കൂടി പരിഗണിച്ച് മാത്രമേ അന്തിമ തീരുമാനമെടുക്കാവൂയെന്നും നേതൃത്വം ആവശ്യപ്പെട്ടു.
സുരക്ഷ മുന് നിര്ത്തി മതില് കെട്ടുന്നതിനോട് വിയോജിപ്പില്ല എന്നാല് ജനപ്രതിനിധികളുമായി ചര്ച്ച ചെയ്തതിന് ശേഷമേ പ്രവൃത്തി ആരംഭിക്കാവൂ എന്നും, പ്രവൃത്തികള് താല്ക്കാലികമായി നിര്ത്തി വെയ്ക്കണമെന്നും അല്ലാത്ത പക്ഷം ജനങ്ങളെ അണിനിരത്തി പ്രക്ഷോഭ പരിപാടികള്ക്ക് നേതൃത്വം നല്കുമെന്നും നേതാക്കള് അറിയിച്ചു.സിപിഎം താനൂര് ഏരിയ സെക്രട്ടറി സമദ് താനാളൂര്, ഏരിയാ കമ്മിറ്റി അംഗങ്ങളായ ഇ സുജ, പി സതീശന്, താനാളൂര് ലോക്കല് സെക്രട്ടറി എന് പി അബ്ദുല് ലത്തീഫ് എന്നിവര് വാര്ത്താസമ്മേളനത്തില് പങ്കെടുത്തു.
മഹാരാഷ്ട്രയില് ബഹുനില കെട്ടിടം തകര്ന്ന് എട്ടുമരണം; 25 പേരെ...
21 Sep 2020 2:40 AM GMTമലയാറ്റൂരില് പാറമടയില് പൊട്ടിത്തെറി; രണ്ട് അന്തര്സംസ്ഥാന...
21 Sep 2020 2:18 AM GMTകോഴിക്കോട് നാദാപുരത്ത് പുഴയില് കുളിക്കാനിറങ്ങിയ യുവാവ്...
21 Sep 2020 2:00 AM GMTസംസ്ഥാനത്തെ റേഷന്കടകള്ക്ക് ഇന്ന് അവധി
21 Sep 2020 1:36 AM GMTസംസ്ഥാനത്ത് ഇന്നും അതിതീവ്ര മഴ; പത്ത് ജില്ലകളില് ഓറഞ്ച് അലര്ട്ട്,...
21 Sep 2020 1:24 AM GMTരണ്ട് പുതിയ കണ്ടെയ്ന്മെന്റ് സോണുകള്; കോട്ടയം ജില്ലയില് ആകെ 32...
21 Sep 2020 12:50 AM GMT
