പ്രവാസി ലീഗ് പ്രതിഷേധം സംഘടിപ്പിച്ചു

മാള: പ്രവാസികള്‍ക്ക് പുനരധിവാസം നടപ്പാക്കുക, കൊവിഡ് ബാധിച്ച് മരണപ്പെട്ട പ്രവാസി കുടുംബങ്ങള്‍ക്ക് സാമ്പത്തിക പാക്കേജ് അനുവദിക്കുക, പ്രവാസികളെ നാട്ടിലെത്തിക്കുക തുടങ്ങിയ ആവശ്യങ്ങള്‍ ഉന്നയിച്ച് പ്രവാസി ലീഗ് കൊടുങ്ങല്ലര്‍ നിയോജക മണ്ഡലം കമ്മിറ്റിയുടെ നേതൃതത്തില്‍ വെള്ളാങ്കല്ലൂര്‍ ഗ്രാമപഞ്ചായത്തിനു മുന്നില്‍ പ്രതിഷേധ സമരം നടത്തി. പ്രതിഷേധ സമരം പ്രവാസി ലീഗ് മണ്ഡലം പ്രസിഡന്റ് പി ഐ നിസാര്‍ ഉദ്ഘാടനം ചെയ്തു.

മുസ്‌ലിം ലീഗ് മണ്ഡലം വൈസ് പ്രസിഡന്റ് എ എ അഷറഫ് അധ്യക്ഷത വഹിച്ചു. ദുബൈ കെഎംസിസി തൃശൂര്‍ ജില്ലാ സെക്രട്ടറി എം എ സത്താര്‍ മുഖ്യപ്രഭാഷണം നടത്തി. മുസ്‌ലിം ലീഗ് വെള്ളാങ്കല്ലൂര്‍ പഞ്ചായത്ത് പ്രസിഡന്റ് കെ എ സദഖത്തുള്ള സ്വാഗതം പറഞ്ഞു. റഫീക്ക് കളത്തില്‍, അലിയാര്‍ കടലായി, അബ്ദുല്‍ നാസര്‍ ഫൈസി, മന്‍സൂര്‍ അറക്കല്‍, എം എ സുലൈമാന്‍, ഒ ബി ജബ്ബാര്‍, സി എ അബ്ദുള്‍ സലാം തുടങ്ങിയവര്‍ സംസാരിച്ചു.