ഓണത്തിന് ഒരു മുറം പച്ചക്കറി: വിത്ത് വിതരണോദ്ഘാടനം വി ആര്‍ സുനില്‍കുമാര്‍ എം എല്‍ എ നിര്‍വഹിച്ചു

മാള: ഓണത്തിന് ഒരു മുറം പച്ചക്കറി പദ്ധതിയുടെ ഭാഗമായി പച്ചക്കറി വിത്തുകളുടെ വിതരണം നടത്തി. മാള ബ്ലോക്ക് പഞ്ചായത്ത്തല പച്ചക്കറി വിത്തുകളുടെ വിതരണോദ്ഘാടനം വി ആര്‍ സുനില്‍കുമാര്‍ എം എല്‍ എ നിര്‍വ്വഹിച്ചു. അന്നമനട ഗ്രാമപഞ്ചായത്ത് സ്‌റ്റേഡിയത്തില്‍ നടന്ന ചടങ്ങില്‍ ഗ്രാമപഞ്ചായത്ത് പ്രസിഡന്റ് ടെസ്സി ടൈറ്റസ് അദ്ധ്യക്ഷത വഹിച്ചു. അന്നമനട ഗ്രാമപഞ്ചായത്ത് വൈസ് പ്രസിഡന്റ് ടി കെ ഗോപി, ഗ്രാമപഞ്ചായത്ത് വികസനകാര്യ സ്റ്റാന്റിംഗ് കമ്മിറ്റി ചെയര്‍പേഴ്‌സണ്‍ മിനിത ബാബു, ഗ്രാമപഞ്ചായത്തംഗം ബേബി പൗലോസ്, മാള കൃഷി അസിസ്റ്റന്റ് ഡയറക്ടര്‍ ജി എസ് സിന്ധുകുമാരി, അന്നമനട കൃഷി ഓഫീസര്‍ എം സി രേഷ്മ തുടങ്ങിയവര്‍ സംസാരിച്ചു.